Sins Lâka 27:9 - DAWAN BÎLA AISKA

⁹ Batana laya kîa yamni ba wal wan kupia lilia daukisa, baku sa wan uplika tawa muni wan smalki ba wan sulka lilia daukisa.

Sins Lâka 27:9 ပူးပေါင်းရင်းမြစ်များ

1 King Nani 1:12

Bamna nanara, bal bara mai smalkaisna na dauks, baku mita man rayakam bara luhpiam Salaman rayaka ba sin swaki sâkma.

Lawana Nani 104:15

Plun ba upla ra karnika yabisa, wain ba upla rayaka ra lilia yabisa, bara ai mawan ba kau lipisa batana baku.

Lawana Nani 133:2

Isint kîa painkira baku sa, prîs nani lal wina iswi auya ba, bara unmaya bâk iswi iwi ban prâka nana kat wi ba.

Lawana Nani 141:5

Upla kasakkira klala aikbia kaka, kupia pihni lâka kabia, bara lawi ai daukbia kaka sin isint kîa kum baku kabia. Baha sut bahki lulki swimna apia; yang ra ai prukbia sin ban puri suni kamna.

Lawana Nani 23:5

Pata tara kum yang piaia man bui ridi ai daukram, waihli nani mawan kat; batana laya ni laila ra laikram bara kapki ba banhki pali daukram.

Sins Lâka 15:23

Pana aisaia bîla pali ba walaia lilia wan sakisa, sakuna nahki prais kau lilia sa baha piua pali kat walaia.

Sins Lâka 16:21

Ya sins lâka ra luki kaiki ba, baha ba sinskira nina mâkisa, kupia yamni bîla aisanka ba, kau pain kasak lukaia wankisa.

Sins Lâka 7:17

Yang mita purara isint kîa pain nani laikri sa; sîka mâka kîa painkira, alus bara sinimint aihwa sin.

Yamni Kulki Lawana 1:3

Batankam laya kîa ba, wan kakma ra kiawalaia auhni pali sa, man ninam mâkisa, batana laya kîa pain laiwan ba. ¡Baha mita mairin nani ba, uba pali laik mai kaikisa!

Yamni Kulki Lawana 3:6

¿Baha ba dîa ki, upla iwras tasbaya wina taki aula ba, impaki aula ba kiasma tara nani tilara, sîka mâka kîa painkira kiasmika tilara bara awas mâka kîa tilara sin bara isint sâtka kîa pain nani sut kira?

Yamni Kulki Lawana 4:10

¡Kaiki yamni sa lihki ai munisma ba, yang laikra lupia, wal kut taki mairka! ¡Wal lihki pulanka ba, wain wal kanra damni sa! ¡Bara batankam laya nani kîa painka ba, sîka mâka kîa bri ba sut ba wal kau kîa pain sa!

Jan 12:3

Baku mika, Meri mita batana isint kîa painkira batil banhki bri balan, baha ba mana pali kan, bamna baha ni Jisas mina nani ra yukan bara ningkara ai tâwa ni dikan. Utla aiska ba isint kîa man kata.

Apastil Nani Sturka 28:15

Rom ra wan muihni nani pat yang nani sturki walan kan, bahamna witin nani ba yang nani maipa ra balan, Apio Forum pliska kum nina, Utla Yumhpa wi ba kat. Pal baha nani kaikan ba ra, Dawan ra tingki win bara ai kupia aimakan.

Wihta Nani 9:9

Sakuna oliv dusa ba pana witin nani ra apia win: ‘Yang dus nani kingka aimakamna sa kaka, kli batana laya sakamna apia, batana laya ba wal sika, yang bui upla nani ra bara Dawan ra sin pain kulkan lâka yabisna.’