Sins Lâka 27:24 - DAWAN BÎLA AISKA

²⁴ kan wan dukia ailal ba bara kraunka sin, ban kaia ra bâra kabia apia bamna.

Sins Lâka 27:24 ပူးပေါင်းရင်းမြစ်များ

2 Samuil 7:16

Yang distiki ra man pali kiamkam ba kingkam lâka ba sin ban kaia ra karna kabia, king iwaikam ba sin ban kaia ra bapi bûi kabia.’ ”

Job 19:9

Yang yuyaki nani tila ba wina ai lulki sakan sa, kraunki ba sin yang wina dakbi sakan sa.

Lawana Nani 89:36

ai kiamka nani ba, witin watlika ra king aimakbia, wan yu ba ban bâra sa piua ra.

Lawana Nani 89:39

Man nampakan wal lâ daukram ba, sauhki tikram; bara king kraunka ba tasba kat batakram.

Sins Lâka 23:4

Lalahkira takaia mata uya pali wînam ikpara; baha dukiara trabil taki lukpara.

Sins Lâka 23:5

Pain laki kaikma kaka, man kaikma yuya tara ba âpu sa, bara aihni pali auya, yakal baku ai tnawa pat takan baku.

Smasmalkra 5:13

Sari lâka tara pali, naha tasba ra kaikri ba sika, kukanka tara pali paski kaia; baha ba ai dawanka ra sauhki tikisa.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 13:18

“King ra, yaptika ra sin wis: ‘Man nani iwaikam ba wina, man nani tasba ra iws, kan man nani lamla wina kraunka pramna kata ba kauhan bamna.’

Inanka Nani 5:16

Yang nani laila wina kraun kata ba kauhan sa; ¡saura pali sa, yang nani saura yâri ba tâwan!

Isikiel 21:26

Yang Dawan sna ba, naku wisni: King kwalka ba mihtam dakbia, king kraunka ba drusbi mihtam wina sâkbia, bara diara sut ba aihka kabia. ¡Il tara ba tâ pali ra ulbia, twi langni ra ba, bara il tâura pali nani ba tasba ra kauhbia!

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Jems 1:10

lalahkira ba Gâd mita mâyara lahbia ba ra, witin lilia kaia sa. Kan yuyakira ba, twi tangnika nani ban kaia apia ba wal baku sa.

1 Samuil 13:14

Bamna kingkam lâka ba ban kabia apia. Dawan bui witin yamni kaiki ba lâka kat waitna wala pliki sâkbia, bara ai uplika nani wihtka mangkbia, kan man sika Dawan lâka bîla nani maikan ba walras kapram bamna.