Sins Lâka 27:10 - DAWAN BÎLA AISKA

¹⁰ Man uplikam nani ba, man aisikam uplika nani ba sin lulki swipara. Muihkam watla ra wapara man pâtkam tara yua ra. Wan lamara pali iwi uplika ba, kanra yamni sa wan muihnika laihura iwi ba wal.

Sins Lâka 27:10 ပူးပေါင်းရင်းမြစ်များ

2 Samuil 19:24

Mefi-bóset, Saúl luhpia ba sin bal takan, king wal prawaia. Baha yua king taki wan ba wina, witin kli yamni pain tawi balan ba kat, witin ai mina sikbras, ai unmaya sin irbras, ai prâka sin tuskras kan.

2 Samuil 19:28

King tara, man mamwanra yang papiki luhpia nani sut ba pruaia aitani pali kan. Naha man albikam na paiwram kan king tibilkam ra iwi plun piaia. ¿Kau dîa wala king tara ra makabaia sip sna ki?

2 Samuil 21:7

Witin Mefi-bóset, Janatan luhpia, Saúl mulika ba dukiara lika ai kupia swapni takan, aisika Janatan wal kasakka lâka ra swer takan ba mita.

2 Kronikas 24:22

King Joás ba ai âuya tikan Sakaraya aisika Joiadá witin ra marikan ba, bara Sakaraya ra ikan, ai luhpia ba, bamna witin pruaia baila kan ba ra winan: “¡Dawan naha na kaikbia, baha mana witin nani ra klala yabia!”

Sins Lâka 17:17

Wan uplika piu bani ra latwan wan kaiki ba, wan kupia wirha bri piua ra, wan muihni wal baku sa.

Sins Lâka 18:24

Wan uplika nani tila nani pat pali yawan wal dakwi takisa, sakuna wan uplika kumi bâra sa, wan muihni wal kau karna dutki wan alki ba.

Sins Lâka 19:7

Upla umpira ba, muihnika nani sut mita sin witin ra misbara kaikisa; kau asla ai uplika nani sin, witin wina laihura itwi takisa.

Jirimaya 2:5

Dawan aisisa: “¿Almukkam nani ba dîa saura daukri ai kaikan, baha tâwan yang wina laihura taki wan ba? Gâd apia diara bahki nani ba ninara witin nani wan, bara witin nani sin baku diara bahki takan.

Apastil Nani Sturka 23:12

Yu wala titan, Ju nani asla taki swer taki kira lâ daukan, witin nani plun pibia apia, diara sin dibia apia, Pal ikbia ba kat.

Kli Smalkanka 22:1

“Man nani kaikram uplikam kum bîpka, apia kaka sîpka kra tiwan sa kaka, tânka briras sma wiaia apia, sakuna uplikam ra bri si yas.