Sins Lâka 26:25 - DAWAN BÎLA AISKA

²⁵ Witin ai bîla yamnikira baku aisi ba ra, witin ra kasak lukpara; kan ai lukanka saura lâka ni banhwan sa.

Sins Lâka 26:25 ပူးပေါင်းရင်းမြစ်များ

Nihimaya 6:2

bara Sambalat wihki Guesem wal ai bîla blikan, wamna wisi, bara Onó twiya tawanka sirpi kum ra asla takaia dukiara. Sakuna witin nani ai lukanka ba lika saura ai munaia luki kan.

Lawana Nani 12:2

Witin nani bani ai uplika ra kunin bîla aisisa; ai mawan wâl, ai bîla wâl bri aisisa.

Lawana Nani 28:3

Upla watawikira nani aikuki ai raski ai brih wapara, saura dadaukra nani ai mana briaia ba wal sin apia, lata wina kaiki ba wan uplika baku wan marikisa, sakuna ai kupia bîla watawi lâka ni banhwan sa.

Sins Lâka 23:7

Witin ai lukanka ra dîa luki ba witin ba baku sa; mai wisa bal piaia, diaia, sakuna ai kupia ba man wal apia sa.

Sins Lâka 26:23

Silbar ni sumi taya purara lalaubi prakan ba, baku bîla nani swapni painkira aisi ba lika lukanka saura brisa.

Jirimaya 12:6

Muihkam nani pali sin, tamya nani pali ba sin, witin nani mai atkan, man ninamra saura aisi wini banhwisa. Man lika witin nani ra kasak lukpara, bîla pain nani witin nani man ra aisabia sin.

Miqueas 7:5

Walkam ra kasak lukpara, witin nani ra sin luki tniwpara, mayam tnamya ra prawi ba ra sin kasak aman kaiki bas, witin wal dîa aisisma ba.

Matiu 24:23

“Bara upla kum mita man nani ra naku mai wibia kaka: ‘Kaiks, Misaya ba nâra sa’, ‘Kaiks, Misaya ba bâra sa’, man nani kasak lukpara.

1 Samuil 18:17

Yu kum Saúl bui Debit ra win: —Merab luhpi mairin almukka ba man mayam maikaisna, sakuna naha pramiska wal: Yang aiklaklabriki kum kupiam karna kama bara Dawan warka nani ba sin aiklabi kama. Saúl ai kupia ra lukan, baku witin pali mita lika Debit ba ikbia apia, sakuna yaka filisteo nani mita ikan kabia.