Sins Lâka 26:12 - DAWAN BÎLA AISKA

¹² Taniskira wina kau bîla kaikaia sip sa, wihki ya uya sinskira puli ba wal.

Sins Lâka 26:12 ပူးပေါင်းရင်းမြစ်များ

Sins Lâka 12:15

Upla taniskira ba lukisa witin diara sut dauki ba yamni baman sa, sakuna kupia kraukanka wali dauki uplika ba lika, sinskira sa.

Sins Lâka 22:29

Ya ai warkka pain daukisa kaka, king dukia dadaukra kabia; bara upla bahki dukia dadaukra kabia apia.

Sins Lâka 26:16

Upla sringwaskira ba lukisa witin ai sinska lâka ba kau diara tara baku kaikisa, diara tânka latan kaiki uplika 7 sinska lâka ba wal.

Sins Lâka 26:5

Upla taniskira mapara pana aisaia lan kaia, witin ai sinska pali ba tara baku kaikbiara sîa.

Sins Lâka 28:11

Lalahkira ai sinska ba tara pali brisa baku ai dahra walisa, sakuna upla umpira diara tânka bri ba witin dîa luki ba, pliki ban sakaia sip sa.

Sins Lâka 28:26

Tanis uplika ba lika witin ai kupia lukan pali kat luki tniwisa, sakuna sins lâka ra dauki watauki uplika lika swaki sakan kabia.

Sins Lâka 29:20

Upla taniskira ba kau bîla kaikaia brisa wihki, waitna kum diara luki, kaikras ban inipis sturi aisi ba wal.

Sins Lâka 3:7

Man ba sinskira pali sma lukpara; Dawan ra kulkanka yas, bara saura ba wina mahka tawi was,

Aiseya 5:21

¡Man nani ra saura kabia, sinskira sma lukisma ba diara sut tânka brisma baku damra walisma ba!

Matiu 21:31

¿Wâl ba wina ani ba ai aisa want kan ba kat daukan? —Witin nani pana win: —Pas ba. Bara Jisas witin nani ra win: —Man nani ra kasak pali mai wisna, lal mana saki Rom ra yabi nani ba, bara rug mairin nani ba sin man nani kainamra Gâd king aimaki tasbaya ra dimbia.

Luk 18:11

Parisi ba lika, ai mina ra bûi, naku ai pura sunan: ‘Gâd, tingki mai wisna, kan yang lika upla wala nani baku apia sna, âimplikra, saura dadaukra, marit lâka sasauhkra, bara naha waitnika lal mana sasakra ba wal sin baku apia sna.

Luk 7:44

Jisas mairin ba ra kaiki si, Saiman ra win: —¿Man naha mairka na kaikisma ki? Yang wamtla ra dimri bara man lî aikras mini nani sikbaia, sakuna naha mairin ai nakra laya ni yang mini nani sikban, bara ai tâwa ni sin dikan.

Jan 9:41

Bamna Jisas pana win: —Man nani sut namkra aisawan kan kata kaka, saurka luha banhwi kaia kapram. Sakuna man nani namkra pain bri banhwisma wisma bamna, pâtkira atia sma.

Roman 12:16

Uplikam wal asla iwi bas. Man nani ba kau tara sma lukpara, sakuna bawikira baku bas. Man nani ba sinskira sma lukpara.

Param Marikanka 3:17

Kan man ba lalahkira wisma, bara diara sut mapara pain baman, bara diara luha apia sma; sakuna damra walras sma man ba trabil saura ra sma, umpira pali sma, diara âpu, blain, bara kwala sin âpu.