Sins Lâka 25:14 - DAWAN BÎLA AISKA

¹⁴ Kasbrika nani pâsa wal bâra, kuna lî auhras, baku sa waitna kum ai prisantka dukiara yaia aimayunisa kuna prisantka yaras ba.

Sins Lâka 25:14 ပူးပေါင်းရင်းမြစ်များ

1 King Nani 22:11

Bara Sedequías, Quenaaná luhpia ba, ayan ni bîp aringka nani daukan bri kan, bara naku winan: “¡Dawan naku wisa: ‘Naha aringka nani wal Siria uplika nani sut ba mangki âpu pali daukamna!’ ”

Sins Lâka 20:6

Upla ailal bâra sa kumi bani witin ai painka dahra man aisisa; sakuna yaura kasak lukaia ba sip sakras sa.

Jirimaya 5:13

Prapit nani ba lika pâsa baman sa, witin nani Dawan wal aisaras. Bamna baha pain, naha bîla na Dawan, Gâd karnika sut bri ba ai win: “Witin nani baha bîla nani aisin ba tâka mita, naha diara witin nani ra takbia: Bîli aisinka nani ba man bîlam ra pauta klauhi baku kaia daukamna, bara naha uplika nani lika pauta baikan baku kabia, bara baha pata klauhan ba mita angki âpu tikbia.”

Miqueas 2:11

Kunin aisasara kum, upla nani ra kunin muni dahra aisi wibia: “Yang lika wain laya bara laya tahpla dukiara aisi wisna”, baha sât prapitka sika naha uplika nani na brin daukisa.

Luk 14:11

Kan ya tara kaia lukbia ba, mâyara tawbia, bara ya mâyara ba, tara kulkan kabia.

2 Korint 11:31

Gâd wan Dawan Jisas Kraist Aisika ba, witinka mayunan lâka ban kaia ra briaia aitani ba mita kaikisa, yang lika kunin aisaras sna.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.