Sins Lâka 24:25 - DAWAN BÎLA AISKA

²⁵ Kuna witin baha nani ra klala yabia kaka, witin ra yamni takbia bara upla nani wina yamnika tara, witin nani purara bri balbia.

Sins Lâka 24:25 ပူးပေါင်းရင်းမြစ်များ

Nihimaya 13:17

Bamna yang bui Juda wihtka nani ra lawi daukri, bara wîri: —¿Man nani dîa saurka daukisma ki, ris briaia yua ra kulkanka yabras sma ba?

Nihimaya 13:25

Baku yang bui witin nani aikuki aisi blauhri bara lahtubri. Witin nani tila nani ba lika prukri bara tâwa sin daikri, bara taibi munri Gâd nina ra swer taki aisaia, ai luhpia mairin bara ai luhpia waitna nani ba upla sât wala nani ba wal kli maya baikaia apia, mairka nani ba luhpia waitna nani maya baku bribiara, luhpia nani mita sin mairka nani ba ai maya bribiara.

Nihimaya 13:28

Bara prîs tara Eliasib luhpia waitna Joiadá luhpia waitna nani tila wina kumika ba Sambalat, Horón wina kata ba dapnika kan, baha tâwan maiwan wina munri plapan.

Sins Lâka 24:26

Ai bîla wapnikira nani ni pana aisi uplika ba, upla un kat kiawalan ba baku sa.

Sins Lâka 28:23

Ya upla kupia krauki ba naika ra kupia yamni lâka kau kanra saki bribia ai twisa lalalni upla nina baman aisi ba wal.

Libait Lâka 19:17

“Muihkam mapara kupiam ra saura luki kapara. “Lawi dauks uplikam ra, lawi daukaia aitani sa kaka. Sakuna witin saura dauki ba tilara kapara.

Matiu 14:4

Jan mita Herod ra naku win kan: “Witin na man mayam baku briaia sip apia.”

1 Timoti 5:20

Sakuna saura dauki nani ba lika, upla sut mawanra lawi daukaia sma, uplika wala nani ba sibrin dauki banhbia dukiara.

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

Taitus 1:13

Bara witin diara kasak ba kat aisan. Ba mita sika man mita baha nani ra karna pali lawi dauks, bara baku lika witin nani ba kasak lukan lâka mapa ra yamni nani kabia;

Taitus 2:15

Naha dukia nani na man smalks, bara karnikam aiska ni upla nani tâ baiks bara lawi sin dauki bas. Upla kumi mita sin yarka bahki mai kulkbiara.

1 Samuil 3:13

Witin ra maisa pakri yang klala yabaisna ba ban kaia, baha yabaisna ba witin sut kaikisa, ai luhpia nani ba laihtuban, sakuna witin baha nani ra lawi daukras kan.