Sins Lâka 24:23 - DAWAN BÎLA AISKA

²³ Baku sin naha bîla nani sin sinskira nani aisin bîla ba: Yamni apia sa lâ aisi daukaika iwaika ra upla mawanka kulkaia.

Sins Lâka 24:23 ပူးပေါင်းရင်းမြစ်များ

2 Kronikas 19:7

Bara Dawan ra kulkanka yas, bara sin damra wali banhwi bas dîa daukisma ba, kan Dawan wan Gâdka ba, lâ kat daukras nani ra yamni kaikras, pâtkira nani ra ban swin kabia apia.”

Job 13:8

Man nani lukankam ba pura praki aisisma, ¿dîa briaia mai dauki ba tâwan aisisma?

Lawana Nani 107:43

Ani uplika sins bri ba, naha wal ai dara wali kaia sa bara Dawan latwanka lâka ba tânka briaia.

Sins Lâka 1:6

sinskira nani aisinka nani ba tânka briaia, bîla nani aisan ba, witin nani daukanka ba, diara tânka nani pliki sakan patrangka ba briaia.

Sins Lâka 18:5

Aitani apia sa lâ uplika mita watawikira nani ra yamni munaia, bara pâtkas ra raitka yaras munaia.

Sins Lâka 22:17

Sinskira bîla nani aisinka ba, man kiamam pri tniki wals, dîa mai wi ba kat aman wals.

Sins Lâka 28:21

Yamni apia sa upla ra mâyara kulkaia ba, plun yuya kum pali dukiara, upla ba saura daukaia sip sa.

Oseas 14:9

Sins tânka plaplikra nani tânkira, diara tânka kaikaia pliki nani ba, naha smalkanka tânka na bribia: Dawan yabalka nani ba wapni sa, upla kasak nani ba bahara wapbia; sakuna watawi dadaukra nani ba, baha yabalka ra ai mina prukisa.

Libait Lâka 19:15

“Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Jan 7:24

Man nani upla mawan kulki lâ daukpara. Lâ daukisma ba ra, wapni kat lâ ba dauks.

Kli Smalkanka 1:17

Upla lâka aisi daukisma ba ra, uplika ba mawan aihka kulkpara, kulkanka sirpi bri uplika ba, kulkanka tara bri uplika lâka ba wal baku daukaia. Upla kumi sibrinka sin briaia apia, kan lâ daukaia ba Gâd warkka sa. Sakuna lâ kum man nani daukaia karna kabia kaka, baha lika yang ra laks, bara yang daukamna.’

Kli Smalkanka 16:19

Upla nani mawanka luki kulkpara; upla kum kum wihki wala nani wal sât aihka kulkpara, bara yarka sturi bahki ni kupiam alkbiara, kan sturi bahki aisi ba sinskira nani nakra prakisa bara sturi kasak aisi uplika nani aisinka ra sin sauhkisa.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.

1 Pita 1:17

Man nani bui Gâd ra puram sunisma ba ra, witin ra “Aisa” mâkisma, witinka upla mawan kulki kira lâ daukras ba, kumi bani dîa daukan ba kat lâka daukbia bamna; ba mita man nani naha tasba ra iwisma piua aiska ba, witin ra sibrinkira kaia sma.