Sins Lâka 24:14 - DAWAN BÎLA AISKA

¹⁴ Baku sin man mampara damni kabia sins tânka ba bara diara tânka bri ba wal; pliki sakuma kaka, tnata piua ra diara yamni brima bara bîla kaikanka ba ban kaia ra sauhki tikan kabia apia.

Sins Lâka 24:14 ပူးပေါင်းရင်းမြစ်များ

Lawana Nani 119:103

Man pramiskam nani ba yang dairkaya ra damni pali sa, bîli ra nasma baku sa.

Lawana Nani 119:111

Yang prapatiki ban kaia ra ba lika man lâmka, kan man bîlam nani ba bui lilia ai daukisa.

Sins Lâka 16:24

Bîla painkira nani aisi ba lika, nasma laya damnira baku sa; wan kupia ra damni sa, bara karnika raya wankisa.

Sins Lâka 2:10

Kan man lukankam ba sins lâka bribia, bara sins lâka damnika ba dabi kaikma.

Sins Lâka 22:18

Diara painkira sa man baha nani kupiam ra ban brima kaka, Bara baha sut kli aisi sâkma kaka.

Sins Lâka 23:18

Kasak yamni pali rayakam tnata alkma; bara man kainamra bîla kaikisma ba, sauhki tikan kabia apia.

Jirimaya 15:16

Man bui yang ra aisi kapram ba ra, aisinkam nani ba langki katna; baha nani sika yang liliaki âiyapah ai saki kan yang kupi ra, kan yang sika aiska man dukiam sna, Dawan bara Gâd karnika sut man brisma ba.

Matiu 19:21

Jisas pana witin ra win: —Man kasak pali takan mai daukisa kaka, was bara dîa dîa brisma ba atki upla umpira nani ra yas, bara baku lika kasbrika purara yuya nani bri kama; baha ningkara bal, bara nini blîks.

Jems 1:25

Upla kum diara dauki ba mita, Gâd ai yamnika yabia lukisa kaka, aman walaia sa bara ai âuya tikaia apia sa; bara kasakka lâka pri wan dauki ba kat, aman pali tawi kaiki si, baha lâka nina blikaia sa, bara dîa wi ba kat sin daukaia sa.