Sins Lâka 24:10 - DAWAN BÎLA AISKA

¹⁰ Man trabil saura yua ra dring swapma kaka, karnika ba uya âpu sma.

Sins Lâka 24:10 ပူးပေါင်းရင်းမြစ်များ

Job 4:5

¿Bara nanara man ra pât mai alkan na piua ra, man sasibrira taki si kupiam lukra karna bri kaia lâka ba swiram ki?

Jirimaya 51:46

Naha kuntrika sturi nani aisi ba man nani ra sirang mai ikbiara, man nini si bripara. Mani bani bin nani sât sât taki kabia kuntri ba ra upla nani ra saura munan sturka wihta nani wihta wala mapara buan binka.

2 Korint 4:1

Ba mita, yang nani lukanki ba kauhras, kan Gâd umpira wan kaiki ba lâka ra naha warkka ra wan mangkan bamna.

Epesus 3:13

Baha mita, mamkabisna man nani swapni nani kama apia, yang na man nani dukiamra pât wahwisna ba tâwan, kan naha na man nani mampa ra prana kum sa.

Kli Smalkanka 20:8

“Ba ningkara lalka nani ba kli aiklaklabra tâ bri nani ba ra wibia: ‘Upla kum kra kupia karna apia, sibri upla wala ra sibrin dingkisa kaka, ai watla ra wabia.’

Param Marikanka 2:13

Yang kaikisna, man ba Sitan king aimaki pliska ra iwisma, sakuna man lika yang tâiwan kasak pali ban sma. Antipas mita, yang witniski kasakkira ba, man nani tilamra Sitan iwi pliska ra ikan piua ra, man lika yang ra ban kasak luki kapram.

Param Marikanka 2:3

Kasak bapi buram sa, bara yang tâiwan kasak pât wauhram bara wark sin uya takram, swapras pali.

1 Samuil 27:1

Ban sakuna, Debit luki kan: “Naiwa, yauhka kra Saúl ai ikbia. Baha mita kanra yamni yang filisteo tasbaya ra plapamna, bara Saúl ai âuyapah ai swibia, Israel tasbaya aiska ra sin kli ai pliki tauki kabia apia. Baku lika Saúl mihta wina swak takamna.”