Sins Lâka 23:32 - DAWAN BÎLA AISKA

³² Sakuna tnata ra piuta baku wan samuya, ai napa sin piuta baku latwan pali wan samisa.

Sins Lâka 23:32 ပူးပေါင်းရင်းမြစ်များ

Job 20:16

Piuta saura puisinka ba utbi kan, bara baha puisinka ba mita ikbia.

Lawana Nani 91:13

Limi nani bara layan nani purara sin man wapi kama; daiwan saura tara nani, bara piuta nani tilara sin wapi tauki kama, minam mununhtara man taibi bri kama.

Impakan Sturka 7:12

Witin nani kumi bani ai kînka ba tasba ra lulkan, bara kînka nani ba piuta takan. Sakuna Eran kînka ba mita, sinskira nani, king fero sukika banhwi ba kînka nani ba ra sut langki pin.

Sins Lâka 20:1

Wain blaka ba mita trabil bukisa upla ra; laya tahpla dih bara bin tara bukisa; bara ya ya baha nani mita watawi ba, sinskira apia sa.

Sins Lâka 5:11

Kau ni mapara, ini yauhma lâs piua ra, man wînam tara ba tawa tawa danh taki auya ba ra.

Smasmalkra 10:8

Ya unta dauki ba, bahara kauhisa. Ya kutbanka kriki ba, piuta mita samisa.

Aiseya 11:8

Tuktan sirpi ba, piuta kau puisinkira ba untika purara puli kabia, sip kabia ai mihta ba, piuta untika ba ra dingkaia.

Aiseya 28:3

Bara ai mina ra taibia, praut lâka nani ra bara kraun ra, baha Efraín tawanka dadira nani ba.

Aiseya 59:5

Piuta kau puisinkira mahbra ba brih, bawi luhpa baikisma, bara anansi kiwka nani mamisma; ya baha mahbra wina pi ba pruisa bara upla baha mahbra nani ai mina ra taibia kaka, piuta puisinkira nani takbia.

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Jirimaya 8:17

Dawan kasak aisisa: “Man nani mampara piuta puisinkira nani blikamni, baha nani ba mita man nani ra mai sambia; baha nani mapara sukia nani ba diara daukaia âpu kabia.”

Emus 5:19

Upla kum layan kaiki sîa plapi kan, bara wingku tara wal prak prawaia ba baku kabia; upla kum ai watla ra dimi, ai mihta ni utla tnaya ra prakan ba ra, baha wina piuta taki ai mihta kat samuya ba baku kabia.

Emus 9:3

Witin nani Carmelo ilka bahna ra uli yukuwi kabia kra sin, yang wih bâra ban pliki saki alkamna; kabu tihuka mununhtara dimi wabia yang kaikamna apia wisi, bara bahara yukuwi kabia sin, bahara kabu daiwra tara blikrika, witin nani ra langki pibia.

Roman 6:21

bara nanara baha dukia nani tâwan swiram mai dauki ba wina, ¿dîa pain sakatma ki? Baha ba prura mata baman mai brih auya kan.

Epesus 5:18

Bamna bla âpu bas, kan baha mita ban tanis tiwaia ra wan brih auya; sakuna Spirit Holikira ni aibanhwi bas.