Sins Lâka 23:30 - DAWAN BÎLA AISKA

³⁰ Baha nani sika wain di swiras ba, wain sât sât abalki daukan trai kaikaia auya ba.

Sins Lâka 23:30 ပူးပေါင်းရင်းမြစ်များ

Blasi Sturka 9:21

Bara yu kum Noa wain dih bla takan, bara kwala luha taki ai watla papakni lila ba kat prawi kan.

Lawana Nani 75:8

Dawan ai lawanka tara kapka ba ai mihta ra brisa, wain miks munan piawi ba. Baha wainka ba tasba ra laikbia ba ra, watawi dadaukra nani sut tasba ra iwi ba baha laya tahwi ba sut pali dibia.

Sins Lâka 20:1

Wain blaka ba mita trabil bukisa upla ra; laya tahpla dih bara bin tara bukisa; bara ya ya baha nani mita watawi ba, sinskira apia sa.

Sins Lâka 23:20

Wain dadira nani tilara aikuki kapara, upan papira gridikira nani tilara sin apia.

Sins Lâka 9:2

Witin ai daiwra nani ikan lilia daukaia dukiara; wain aihwa ridi dauki, ai tibilka ra mangkan.

Aiseya 28:7

Baha nani wain di pirwi tauki ba, wain karna piawi kisni taki ba di pirwi ai ninara wapi ba: prîs nani, prapit nani sin dih baku dauki ba; witin nani sut bla taki sinskas taki ba; wain karna di ai mina ra wapi ba, diara aihka kaikan ra sin pirwi kan bara bla sa, lâ daukan piua ra.

Aiseya 5:11

Alai kabia baha nani titan kat ba ingwi ba bla takaia dukiara, bara wain laptika ba, tihmia kat ban sa.

Emus 6:6

Kahmi tara ra wain laya laiki disma, batana laya kîa damni ba aimakisma. ¡Sakuna Josep tawanka slingwan kabia ba dukiara lika man nani sari briras!

Epesus 5:18

Bamna bla âpu bas, kan baha mita ban tanis tiwaia ra wan brih auya; sakuna Spirit Holikira ni aibanhwi bas.

1 Samuil 25:36

Abigail ba Nabal ra tawi wan ba ra, kaikan witin king kum baku ai watla ra pata tara dauki pi, lilia dauki kan, ai âuyapah, bla pali kan. Baha mita sip diara wiras kan, yu wala kat.