Sins Lâka 23:29 - DAWAN BÎLA AISKA

²⁹ ¿Ya pât wahwisa? ¿Ya ba inisa? ¿Ya unsaban ra wini inisa? ¿Ya kabia ni bahki man insauhkan kabia ba? ¿Ya nakra pauni pali takan kabia ki?

Sins Lâka 23:29 ပူးပေါင်းရင်းမြစ်များ

Blasi Sturka 19:33

Bara baku, baha tihmika witin nani ai aisa ra wain diaia yaban, bara muihnika almukka ba pas witin wal yapan. Sakuna almuk ba bla kan ba mita ai tânka briras kan ai luhpia witin wal yapan ba, bara ahkia kli buan ba sin ai dara walras kan.

Blasi Sturka 49:12

Ai nakra nani ba wain laya mapla baku sa, ai napa nani ba sin tialka laya ba wal sin, kau pihni pali sa.

2 Samuil 11:13

Debit bui witin ra paiwan, witin wal plun piaia, diaia bara yan bla takan. Tihmia kat Urías taki balan, king watla main kaiki suldiarka nani tilara wih bahara yapan, sakuna ai watla ra lika waras.

2 Samuil 13:28

bara ai albika nani ra adar yan kan: “Amnón ba aman pali kaiki bas, wain ba di lilia pali takbia ba ra yang bui man nani ra mai wimna, bara man nani bui witin ba iks. Man nani baha daukaia si bripara, baha yang adarki nani sa, bahamna man nani kupiam wilinkira bara karna bris.”

Sins Lâka 20:1

Wain blaka ba mita trabil bukisa upla ra; laya tahpla dih bara bin tara bukisa; bara ya ya baha nani mita watawi ba, sinskira apia sa.

Sins Lâka 23:20

Wain dadira nani tilara aikuki kapara, upan papira gridikira nani tilara sin apia.

Sins Lâka 23:21

Tahpla dadira wih bîla maihsira nani wal diara luha takbia bamna; bara sringwaskira nani kwala kalwan man dimbia.

Aiseya 5:11

Alai kabia baha nani titan kat ba ingwi ba bla takaia dukiara, bara wain laptika ba, tihmia kat ban sa.

Aiseya 5:22

¡Man nani ra saura kabia, wain diaia upla wala sip puram luras ba, waitna karnakira nani, wain miks munaia sip man puram luras ba!

Nahum 1:10

Witin nani ba, kiaya dusa nani sisitni pâwan baku, bara sin twi lâwan baku sin aiska pali ambia.

Epesus 5:18

Bamna bla âpu bas, kan baha mita ban tanis tiwaia ra wan brih auya; sakuna Spirit Holikira ni aibanhwi bas.