Sins Lâka 23:15 - DAWAN BÎLA AISKA

¹⁵ Luhpi, man sins lâka ba alkma ba ra, yang wal upla wala kau lilia ba âpu kabia.

Sins Lâka 23:15 ပူးပေါင်းရင်းမြစ်များ

Sins Lâka 1:10

Yang luhpi waitna, upla saurakira nani kunin mai munaisa kaka, ¡yarka kunin mai munbiara!

Sins Lâka 10:1

Salaman aisanka nani ba: Luhpia waitna sinskira ba, ai aisika nani ra lilia sakisa, kuna luhpia waitna taniskira ba, ai aisika nani sarka paskisa.

Sins Lâka 15:20

Luhpia waitna sinskira ba, ai aisika kupia lilia sakisa, sakuna luhpia taniskira ba, ai yaptika ra bahki kulkisa.

Sins Lâka 2:1

Yang luhpi waitna, yang bîli ba man dukiam dauks, man lukankam ra mangki bris, yang bîli lâka aisi daukri ba.

Sins Lâka 27:11

Luhpi, sinskira bas, bara kupi lilia daukma, bara laihtubi uplika ra pana diara aisaia sip kamna.

Sins Lâka 29:3

Luhpia waitna sinskira ba, aisika lilia sakisa; sakuna rug mairin nani wal tauki ba lika ai yuyaka tanis tikisa.

Sins Lâka 4:1

Luhpi waitna nani, aisikam mai smalki ba wals, diara tânka alki latan kaikaia mata, aman wali bas.

Jirimaya 32:41

Witin nani ra yamni munisna ba dukiara lilia kamna, bara yang kupi aiska kira kasakka lâka sut ba ni yarka witin nani baha kuntrika ra iwbia.”

Sofonías 3:17

Dawan, man nani Gâdkam, man nani tilamra sa. ¡Witin karnika sut pali brisa, bamna swaki mai sâkbia! Dawan ba man nani dukiamra ai âuyapah kabia. Ai latwanka lâka ni upla raya mai daukbia; bara witin ai liliakira aiwanbia

Matiu 9:2

Bara wakia lâwi waitnika kum krikri ra tniki witin ra brih balan. Jisas baha uplika nani kasak lukanka ba kaiki, siknis waitnika ra win: —Luhpi, karnikam bris; saurkam nani ba ban swih tikan sa.

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

Jan 15:11

“Baku aisisna man nani ba yang wal lilia kama ba dukiara, bara lilia pali kama.

Jan 21:5

Bamna Jisas bila: —Tuktan nani, ¿inska alkram ki? Pana disaipil nani bila: —Diara alkras.

1 Jan 2:1

Yang luhpi lupia nani, naha bîla mai ulbisna man nani saura yama apia ba dukiara. Sakuna upla kumi saura daukbia kaka, wan tâwan aisasara kum brisa Aisa mawanra, baha lika Jisas Kraist, bara witin ba kasakkira sa.

2 Jan 1:4

Yang uya lilia pali takri, kan man luhpiam tila nani kaikri ba ra, witin nani lika kasak tânka kat ban iwisa; Gâd Aisa dîa adarka wankan ba tânka kat.