Sins Lâka 23:10 - DAWAN BÎLA AISKA

¹⁰ Tasba markka almuk bâra kan ba, man kitpara, bara rau nani nasla ra dimpara.

Sins Lâka 23:10 ပူးပေါင်းရင်းမြစ်များ

Job 22:9

Piarka mairin nani ba ai mihta bîla baman ban swiram wi kan, bara rau nani ra saura muni kapram.

Job 24:9

Piarka nani bisiura ai luhpia aisubi sakan ba mihta dakbisa, umpira nani ra taibi munisa ai wîna sakahkaia dukia nani bri ba yabia wisi.

Job 6:27

Man nani sip sma rau kum rayaka wal sin pulaia, bara pâmnika pali ba sin atkaia.

Lawana Nani 94:6

Piarka nani bara tringsar nani ra ikisa; rau nani ra sin ikisa.

Impakan Sturka 22:22

“Piarka nani ra saura munpara, bara tuktan rau nani ra sin,

Sins Lâka 15:25

Dawan bui prautkira nani watla ba sauhki tikbia. Kuna piarka tasbaya piarkika ba dutki bapbia.

Sins Lâka 22:28

Tasba markka nani damikam nani mita mangkan bâra ba baha markka ba man mita kitpara.

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Jirimaya 7:5

‘Man nani rayakam lâka warkkam nani ba yamni daukma kaka, walkam aikuki sin kasakka lâka daukma kaka;

Jirimaya 7:6

tringsar nani diara bri ba mihta dakbras kama kaka, rau nani bara piarka nani ba sin baku saura munras kama kaka, naha tasbaya ra sin upla pâtkas nani ba ikras kama kaka, gâd wala nani ba sin mayunras kama kaka, baha dukia nani brisma ba tâka mita sika kli pât ra tawisma ba,

Sakaraya 7:10

Piarka nani ra, rau nani ra, tasba wala uplika nani tilamra ba, upla umpira nani ra, lâ wirhika witin nani purara kahbiara. Pana pana walkam ra sin saura munaia lukpara.”

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Kli Smalkanka 19:14

“Dawan Gâdkam kuntrikam maikbia ba ra, upla tasbaya piarkika ba kulkan kabia, kainara dauki kan ba baku.

Kli Smalkanka 27:17

‘Upla tasbaya piarkika pîska implikaia dukiara dakbi aihka lakbia kaka, lahtuban kabia.’ Bara upla sut wibia: ‘Baku kabia.’

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.