Sins Lâka 22:6 - DAWAN BÎLA AISKA

⁶ Tuktan ba ai rayaka yabalka lâka ba, pain smalki paki bas naiwa piua ra, baku mika witin almuk takbia ba ra, baha wina tnaya ra tawbia apia.

Sins Lâka 22:6 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Epesus 6:4

Aisa nani bara yapti nani, man nani luhpiam nani ra ai kupia baikaia tatuski kapara, sakuna Dawan latwan lâka ra witin nani ra smalki paks, lâ kat wapni tauki kaia.

Kli Smalkanka 11:19

Baha nani dukiara luhpiam nani ra aisi smalki bas, wamtla ra kama, yabal ra kama sin, bara aitnikisma piua ra, krikrikam wina kli buisma piua ra sin.

Kli Smalkanka 4:9

Baku bamna aman kaiks, diara nani kaikram ba âmya tiki banhpara. Ban kaia ra, sinskam wina sin sâkpara. Man ra yamni kabia luhpiam nani ra bara mulam nani ra sin smalkma.

Kli Smalkanka 6:7

bara luhpiam nani ra ban smalki bas, wamtla ra kama, yabal ra kama sin baha dukiara aisi bas, aitnikisma piua ra, krikrikam wina kli buisma piua ra sin.

2 Timoti 3:15

kan tuktan lupia piua wina man ba Ulbanka holikira nani kakaira sma, bara baha nani mita sins maikaia sip sa, bara Kraist Jisas ra kasak lukan lâka bri mita, baha nani sin swaki mai sakaia sip sa.

Wihta Nani 13:12

Bara Manoa kli witin ra win: —Man bui yang nani ra ai wiram ba takbia ba ra, ¿yang nani bui tukta ba nahki pakaia sna ki? ¿Yang nani witin wal dîa daukaia sna ki?

1 Samuil 1:28

Yang bîli aisari ba kat, luhpi na Dawan ra yabisna ai rayaka aiska witin Dawan dukia kabia. Bara Elí ai mawan tasba kat bawan Dawan ra mayunaia dukiara.

1 Samuil 2:26

Wahma Samuil ba lika ban pâwi kan, bamna upla nani bara Dawan bui sin yamni kaikan.