Sins Lâka 22:17 - DAWAN BÎLA AISKA

¹⁷ Sinskira bîla nani aisinka ba, man kiamam pri tniki wals, dîa mai wi ba kat aman wals.

Sins Lâka 22:17 ပူးပေါင်းရင်းမြစ်များ

Lawana Nani 78:1

Upliki nani, smalkanki ba pain wals; ¡dîa mai wisna ba pain wals!

Lawana Nani 90:12

Yui nani ba pain kulkaia, yang nani ra ai smalks, bara wan kupia ra sins lâka ba briaia.

Sins Lâka 1:3

Sins lâka, kasakka lâka, wapni lâka daukaia tânka briaia;

Sins Lâka 23:12

Mai smalkan yaba kat kupiam mangki bas, sins lâka bîla aisinka nani sin kiamam ra mangks.

Sins Lâka 24:23

Baku sin naha bîla nani sin sinskira nani aisin bîla ba: Yamni apia sa lâ aisi daukaika iwaika ra upla mawanka kulkaia.

Sins Lâka 3:1

Luhpi waitna, smalkanki nani ba âmya tiwbiara; bara kupiam ra yarka lâika bîla nani ba alki yamni bribia,

Smasmalkra 12:11

Sinskira nani aisinka ba silak baku wan sabisa, bara aima kumi asla taki wahbi bara dus kakma tatwa ni sabi ba baku wan sabisa; baha ba sîp main kakaira kumi baman mita saban baku sa.

Smasmalkra 7:25

Bara yang sins lâka plikri, diara tânka briaia sin, bara stadi munaia bara plikaia sins tânka kum wal prakaia. Bara daihra walri sinskas kaia ba yamni apia sa, sinskas kaia ba saura pali sa.

Smasmalkra 8:16

Kau aiska pali dimi kaikri, lan takaia, tânka briaia, bara laki kaikaia diara sut naha tasba ra dauki ba, piua kum bal sa upla ba minit kumi sin sip yapras sa.

Smasmalkra 8:9

Naha dukia nani na sut kaikri ba ra, kupi aiska ni tânka pliki kaikri, naha tasba ra dîa dauki ba, bara upla ba nahki karnika bri ba, ai walka ra saura munaia dukiara.

Aiseya 55:3

Man nani kiamam pri tniki wals bara yang ra bal; man nani wals, bara sulkam ba raya kabia; man nani wal lâ kaia lâka ba daukamni, umpira kaikan lâka, ban kaia pramiska, Debit wal daukri ba baku.

Matiu 17:5

Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”