Sins Lâka 21:27 - DAWAN BÎLA AISKA

²⁷ Watawikira nani daiwan iki angki dauki ba ra, Dawan mita saura pali kaikisa; kan aiska witin nani ai kupia lukra saura wal brih aula bamna.

Sins Lâka 21:27 ပူးပေါင်းရင်းမြစ်များ

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 28:9

Ya Gâd ra lâ walaia apia wisi ai kiama laki ba, Gâd sin witin ai pura sunra ba saura pali kulkan sa.

Sins Lâka 7:14

“Yang pramis takri kan kli wal uplika takaia sakripaiska ba daukaia, dîa daukaia pramis takri ba naiwa sut daukri.

Smasmalkra 5:1

Gâd watla ra auma ba ra, man daukankam ba main kaiks; taniskira nani baku sakripais daukpara, witin nani sinskas lâka ra ai tânka briras sa saura dauki ba, lamara bal bîla wali dauks.

Aiseya 66:3

Sakuna upla bâra sa bîp wainhka iki sakripais dauki ba, bara waitna kum iki ba sin; sîp mairin kum nana klaki dakbi ba, yul kum nana dusa kriki ba, plun laya prisantka yabi ba sin, bara kwirku tâlia prisantka yabi ba sin; kîa pain angki sakripaiska dauki ba sin, aidul kum ra mayuni ba sin. Bahara misbara kaikaia pura sunra nani ba witin nani dauki ba, witin nani baha dukia nani sut daukaia ba lihkisa.

Jirimaya 6:20

¿Dîa muni man nani Sabá wina kîa pain angkaia dukia nani ba bri sal aikisma, laih tasba wala wina dus wahia kîa pain nani bri balisma? Daiwan aiska angkisma ba yang yamni kaikras, sakripais wala nani daukisma ba sin.”

Kulki Kaikanka 16:15

Baha nani wal aisi Moses kasak pali ai kupia sauhkan, bara Dawan ra win: —¡Ai prisantka nani maikaia brih aula ba bripara! Yang sin witin nani wina biriku kumi sin dakbi briras, baha purkara, yang bui witin nani kumi ra sin saura munras.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.