Sins Lâka 21:14 - DAWAN BÎLA AISKA

¹⁴ Sins bri tânka ra prisant yabi ba wan kupia baiwanka kau tara ba sin lamni daukisa.

Sins Lâka 21:14 ပူးပေါင်းရင်းမြစ်များ

Blasi Sturka 32:20

bara man nani sin witin ra wis: ‘Jekob dukiam dadaukra ba witin sin yang nani ninira aula sa.’ Kan Jekob ai kupia ra naku lukan: “Ai prisantka nani ba pas yang tâiura blikamna kaka, bara baha ni witin ai kupia baiwanka ba lilia daukamna, bara baha ningkara yang mawan kaikamna kaka, ban kra witin yamni ai bribia.”

Blasi Sturka 43:11

Bara ai aisika pana witin nani ra win: —Natka wala ra diara daukaia yabalka wala âpu sa, bamna man nani naku dauks: man nani surunkam bilara, waitnika ba prisantka kum brih was. Wan kuntrika ra diara kau pain ba dukia nani ba wina bri si yas: wan taya ra aubaia batanka, nasma laya, isint kîa pain ba, sîka, amans mâ nani baku.

Sins Lâka 17:23

Upla rugkira ba lika saura daukaia mana aibapan ba, yukuwan ra alki brisa, baha ni wapni daukaia yabalka ba, tnaya ra warbi lakaia dukiara.

Sins Lâka 17:8

Kunin lâka daukanka ni ai uplika wina diara bri ba witin ba sukia spiritka bri baku ai dara walisa; ansa ansara tawi ba ra diara yamni baman witin ra takisa.

Sins Lâka 18:16

Witin prisant kum brih auya ba mita, dur nani ba sut kwâkuya, bara upla kulkanka bri ba kat auya.

Sins Lâka 19:6

Upla ai kupia swapni bri, ai uplika hilpka ra ai mihta param bri ba, upla sut witin ra pliki baha uplika wal ai uplika takisa.

1 Samuil 25:35

Ningkara witin diara nani brih wan ba, Debit mihta ra yan brin, bara win: —Âmyapah wamtla ra waia sip sma. Man kaikisma yang lika man ra walri dîa aisaram ba, bara dîa makabram ba sin maikri.