Sins Lâka 21:12 - DAWAN BÎLA AISKA

¹² Gâd kasakkira ba kaikisa upla watawikira watla ba; bara watawikira nani ai saurka dauki ba mita aisawaia ra mangkisa.

Sins Lâka 21:12 ပူးပေါင်းရင်းမြစ်များ

Blasi Sturka 19:29

Baku, Dawan baha twi langnika tasbaya tawanka tara nani, Lot bahara iwi kan ba sut sauhki tikan. Sakuna witin Ebraham dukiara ai kupia ra luki kan bamna, Lot ba sauhki tikan tawanka ba wina sakan.

Job 5:3

Yang kaikri upla pûlkira nani ba diara sut mapa ra pâwaia trai munisa, ban sakuna pat pali ai watla ba slingbi âpu daukan sa.

Job 8:15

Brinka kabia trit awa mina sirpi ba ra alkaia, kuna sip karna apia kabia; apia kaka anansi watla ba ra ai tâ baiki kaia, bara sip tâ baikras kabia.

Lawana Nani 107:43

Ani uplika sins bri ba, naha wal ai dara wali kaia sa bara Dawan latwanka lâka ba tânka briaia.

Lawana Nani 52:5

ban sakuna, Dawan ba pana man ra mai sauhki tikbia ban kaia ra; man wamtla ba wina mai brih latara mai sâkbia; bara rayakam ba sin sakan kabia.

Sins Lâka 13:6

Saura lâka luha ra kasak ba mita kaina kahbisa; saurka lâka ba, saura dadaukra ra sauhki tikisa.

Sins Lâka 14:11

Upla watawikira nani watla ba sauhki tikan kabia, sakuna wapnikira nani tintka watla ba diara ailal bribia.

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Sins Lâka 29:16

Upla watawikira nani ailal taki ba ra, lâ sauhkanka lika manis takisa, sakuna kasakkira nani bui witin nani kauhanka ba kaikbia.

Oseas 14:9

Sins tânka plaplikra nani tânkira, diara tânka kaikaia pliki nani ba, naha smalkanka tânka na bribia: Dawan yabalka nani ba wapni sa, upla kasak nani ba bahara wapbia; sakuna watawi dadaukra nani ba, baha yabalka ra ai mina prukisa.

Emus 4:11

“Man nani ra yang bui sauhkanka saura kum ni sauhki mai tikri, sim Sodoma bara Gomora wal ra sauhki tikri ba baku; pauta klauhan kum pauta aswi ba tila wina sakan baku kan. Baha sut daukri, ¡sakuna man nani lika yang ra kli tawi balras!” Dawan baku kasak aisisa.

1 Korint 10:5

Ban sakuna, witin nani aihkika ba, Gâd bui yamni kaikras kata; baha mita witin nani sut upla iwras tasbaya ra prui tiwan.