Sins Lâka 20:8 - DAWAN BÎLA AISKA

⁸ King ai iwaika ra lâ wapnika daukaia iwi ba ra, ai nakra nani ni kaikan ba baman, diara saura nani sut âpu daukaia.

Sins Lâka 20:8 ပူးပေါင်းရင်းမြစ်များ

2 Samuil 23:4

lalma kahbi ingnika baku kabia, titan kum ra kasbrika âpu yu ingnika taki ba baku sin, lî auhi luan ningkara inta wahia nani pâwi ba baku.”

1 King Nani 7:7

Ba purkara lâ daukaia king iwaika rumka kum paskan, nina ba Lâ daukaia Pliska, bahara Salaman upla lâka nani dauki kan, bara mâya tani wina pura kat ba lika yalam ni lalauban.

Lawana Nani 72:4

King ba mita kasakka lâka daukbia, umpira nani ra. ¡Diara luha luhpia nani ra sin swaki sâkbia, upla tataibra nani ba ai mina ra taibia!

Lawana Nani 92:9

Diara kum kasak sa, Dawan: waihlam nani ba sut sauhki tikan kabia; saura dadaukra nani ba, yakabrira daukan kabia.

Lawana Nani 99:4

Man ba king kum karnakira sma, man sin kasakka lâka ra latwan kaikisma man bui bapram, wal baku kaia lâka ba; Jekob luhpia nani ra, kasakka lâka ba bara wapni kaia lâka ba sin.

Sins Lâka 16:12

Watawi daukaia lâka ba, king nani bui saura pali kaikisa; king iwaika ba, kasakka lâka ni dutki bapan sa bamna.

Sins Lâka 20:26

King sinskira ba lika upla watawikira nani ba wina laihura takisa, bara wilwaika kum munhtara taibisa.

Sins Lâka 25:5

upla watawikira ba, king mawan wina aihka sâkma, bara king iwaika tara ba, kasakka lâka ra ni dutki bapan kabia.

Sins Lâka 29:14

King kumi kasak tânka kat upla umpira nani lâka aisi dauki ba, witin iwaika ba lika ban kaia ra dutki bapan kabia.

Aiseya 32:1

Kaiks king kum aimakbia kasak lâka ra ai kingka ba tâ bribia wihta tara nani ba sin lâ wapni kat tâ bribia.

Matiu 12:30

“Ya yang hilpki ra apia ba, yang maipara sa; bara ya yang wal wahbras ba, yakabisa.