Sins Lâka 20:3 - DAWAN BÎLA AISKA

³ Upla prana ba sika, unsaban ba wina laihura takaskaia ba; kan taniskira nani baha tilara ban aiblakwisa baman.

Sins Lâka 20:3 ပူးပေါင်းရင်းမြစ်များ

Blasi Sturka 13:7

unsaban bâra kan: Ebram daiwra main kakaira nani ba bara Lot daiwra main kakaira nani ba wal. Bara baha purkara Kenan uplika nani bara ferezeo nani sin pliska ba ra iwi kan.

Blasi Sturka 13:8

Bamna yu kumi Ebram bila Lot ra win: “Man ba yawan wal wan taya sa, bara yamni apia sa wan tilara unsaban bri kaia, man daiwram main kakaira nani ba bara yang daiwri main kakaira nani ba wal.

2 King Nani 14:9

Sakuna Joás bui witin ra naku ai bîla blikan: “Kiaya ba mita Líbano yalamka ra naha bîla nani blikan: ‘Luhpiam mairin ba luhpi waitna ra maya yas.’ Sakuna daiwan wail kum bahak lui wan, bara kiaya ba ai mina ra taibi lapaskan.

Sins Lâka 14:17

Ya diara isti dadaukra ba lukras kira diara daukisa; ya kupia krauki smalki ba laman lâka ra sâp kabia.

Sins Lâka 14:29

Upla ai kupia alki takaskaia lâka manis bri ba, sins tânka bri ba marikisa; sakuna sip ai kupia alki takaskras uplika ba, tanis lâka tânka marikisa.

Sins Lâka 16:32

Kau yamni sa kupia swapni kaia wihki kupia karna kaia ba wal, kau yamni sa, ai wîna ra taibi muni pura lui ba wihki, tawan kum pura luaia ba wal.

Sins Lâka 17:14

Awala lisamra dingkan ba sika unsaban ba tâ krikisa; kau yamni sa mahka waia wihki, kau blahwi saura daukaia ba wal.

Sins Lâka 18:6

Ai bîla aisinka nani ba mita taniskira ba trabil ra dimisa; ai bîla aisinka ni klala pain briaia makabisa.

Sins Lâka 19:11

Upla tânkira muni ba mita, ai lawanka tara ba ban alki takaski brisa; bara witin ai prana ba sika, witin ra saura munan sakuna pana diara munras ban pura luisa.

Sins Lâka 21:24

Praut lâka ra ai wîna tara puli uplika ba nina, “Lawaska Kakikra” mâkan sa, witin ai kupia baiki praut luki ai warkka dauki ba.

Sins Lâka 26:17

Upla blahwanka tilara dimaia ba, sim yul kum kiama wina alkaia ba baku sa.

Epesus 4:32

Sakuna, sut aikuki pain banhwi bas, pana pana kupiam swapni bri bas, bara pana pana walkam pâtka swih tiki bas, Gâd bui Kraist ra mai praki pâtkam swih tikan ba baku.

Jems 3:14

Sakuna man nani kupiam ra tuman lâka tahpla pali brisma ba ra, wînam dukiara sin diara nani daukisma kaka, sinskam ba dukiara wînam ra tara lukpara, kan baha ba kasak lâka mapara kunin aisisma, apia sin wisma.

Jems 4:1

¿Man nani tilamra, ani wina war nani bara aiklabanka nani ba takisa ki? Brinkam saura nani wînam ra ban aiklabi ba wina takisa.