Sins Lâka 20:28 - DAWAN BÎLA AISKA

²⁸ King ai iwaika ba kasak pali main kaikisa latwan lâka ba bara kasak lâka ba pain dauki ba ra.

Sins Lâka 20:28 ပူးပေါင်းရင်းမြစ်များ

Lawana Nani 101:1

Latwan lâka bara kasakka lâka tânka aisin ai daukisa; Dawan, lawana aiwani maikan ai daukisa;

Lawana Nani 21:7

King, man lika Dawan ra luki tniwisma bamna, kauhras ban kama; ¡Laih Purara iwi ba, kupia latwanka bara kasak lukisma ba mita!

Lawana Nani 26:1

Lâika aisi dauks, Dawan, kan yang diara kasak ba dauki kapri bamna. Dawan, man ra baman lukanki aiska tniwri sa.

Lawana Nani 40:11

Dawan, man umpira ai kaikisma ba, yang wina takaskpara; man kupiam pihni lâka ba, man bîlam aisinka ba sin, yarka ai alki ban yamni ai bri kabia.

Lawana Nani 61:7

Bara man yamnikam ba wal ban iwi kabia, man lamtwanka lâka bara kasakkam lâka ba ni sin main kaiki bas.

Sins Lâka 16:12

Watawi daukaia lâka ba, king nani bui saura pali kaikisa; king iwaika ba, kasakka lâka ni dutki bapan sa bamna.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Sins Lâka 29:14

King kumi kasak tânka kat upla umpira nani lâka aisi dauki ba, witin iwaika ba lika ban kaia ra dutki bapan kabia.

Sins Lâka 3:3

Latwan lâka ba lulki swipara bara kasakka diara rait ba sin; lilura awa baku man brih tauks, sinskam ra ulbi bris,

Aiseya 16:5

King iwaika ra Debit kiamka wina kum iwbia. Wihta kasak kabia witin bui upla lâka dauki ba ra, lâ kasak daukbia tânka sin pliki, bara kasakka lâka ba daukbia aihni sin lâ nani ba dauki kabia.

Daniel 4:24

Naha tânka lika, Gâd Laih Purara iwi ba, king, man puramra baku lâ mangkan sa.