Sins Lâka 20:13 - DAWAN BÎLA AISKA

¹³ Yapaia ba lihki kapara, man umpira takmara sîa; namkra nani ilingks, bara plun ailal bri kama.

Sins Lâka 20:13 ပူးပေါင်းရင်းမြစ်များ

Sins Lâka 10:4

Wan mihta wark daukras, sringwan lâka man bri ba umpira wan sakisa, sakuna wark karna taki ba mita, yuya ailal sakisa.

Sins Lâka 12:11

Insla warkka kasak dauki ba lika plun manis brisa, taniskira ba diara hilp sakaia apia nani ra baman taukisa.

Sins Lâka 13:4

Upla sringwaskira kupia ra diara brin dauki ba bribia apia, ya wark takbia ba lika, tara pâwan kabia.

Sins Lâka 19:15

Sringwan tara lâka ba wan purara yapan tara kahbisa; bara sringwaskira, diara daukras uplika ba, plun wahwi kabia.

Sins Lâka 20:14

Diara atki brabrira ba, atkaia taim lika wisa dukia ba saura sa; sakuna mahka taki auya ba ra aimayunisa, diara yamni atkan ba dukiara.

Sins Lâka 28:19

Ai nasla warkka dauki uplika ba plun aitani bribia; sakuna ya upla sringwaskira nani nina bliki ba, umpira lâka ni banhwan kabia.

Sins Lâka 31:15

Titan pali kau puk ba ra witin pat buisa, bara ai luhpia nani ra, ai albika mairin nani ra sin titan pata dakakisa.

Jona 1:6

Bara duri kiaptinka ba witin lama kat wan, bara win: —Yayapra tara, ¿man nâra dîa daukisma? ¡Bus, Gâdkam ra puram suns! Ban kra witin umpira wan kaiki swaki wan sâkbia.

Roman 12:11

Man nani wark karna taks, sringwaskira nani kapara. Kupiam aiska wal Dawan dukia dauki bas.

Roman 13:11

Naha sut tilara, yawan wan piua iwi na tânka luki bas, bamna kaiki bas yapan wina buaia piua ra sa. Kan blasi kata ba wal nanara lika swaki wan sakan lâka ba kau wan lamara pali sa, yawan nan Dawan bîla smalkan wali kasak lukan ba wal.

1 Korint 15:34

Rayaka wapni bara kasak ba ra kli taws, bara kli sin saura daukpara, kan man nani tilam wina upla tila Gâd ra kakaira apia sa. Naha na aisisni, swiram daukaia dukiara.

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”

2 Tesalonaika 3:10

Man nani aikuki katna ba ra, yang nani mita naku mai wisatna: Ya ya wark takaia want apia ba, plun sin pibia apia.