Sins Lâka 2:8 - DAWAN BÎLA AISKA

⁸ witin sika, kasak lâka yabalka ra impaki nani ra main kaiki brisa, bara kan kahbisa, ya ai bîla kat wali dauki nani ra.

Sins Lâka 2:8 ပူးပေါင်းရင်းမြစ်များ

Lawana Nani 1:6

Dawan bui kasakkira nani yabalka main kaikisa; sakuna upla watawi nani yabalka lika sauhki tikaia ra brih wisa.

Lawana Nani 145:20

Dawan baha nani sut main kaiki brisa, witin ra latwan kaiki banhwi ba; sakuna witin bui upla watawi nani ba sut âpu daukbia.

Lawana Nani 23:3

Karniki raya aikisa bara kasakka yabalka nani bâk ai bri auya, witin ai nina kulkanka lâka dauki.

Lawana Nani 37:28

Dawan kasakka lâka ba latwan kaikisa, ai uplika kasak nani ba sin lulki swiras; sakuna watawikira nani ba sauhki tikisa, bara ai masraka nani sin sut âpu daukisa.

Lawana Nani 37:31

Dawan smalkanka bîla ba, witin ai lukanka ra brih taukisa; ¡baha mita witin nani ai mina ba lalalras!

Lawana Nani 66:9

Kan witin raya wan brisa bamna, witin sin wan swin kauhras.

Lawana Nani 97:10

Dawan ba latwan kaikisa, baha uplika nani saura ra misbara kaiki ba; kasak luki nani rayaka ba, kan kahbi brisa; upla watawikira nani mihta ra kauhaia ba wina dakbi sakisa.

Sins Lâka 8:20

Yang yabal wapni bâk auna kasak lâka yabalka bâk.

Aiseya 35:9

Bahara layan nani bâra âpu kabia bara daiwan kraskira ba sin bahak lui wabia apia. Atki sakan uplika nani ba, baha yabalka ai impakaika yabalka kabia.

Kli Smalkanka 33:3

Dawan lika ai uplika nani ra latwan kaikisa, sunu takan nani ba main kaikisa; witin nani sin ai mina ra bawisa bara ai adarka nani sin brisa.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

1 Samuil 2:9

Ai uplika kasakkira nani mina taibanka ba witin bui main kaikisa, sakuna saurakira nani ba tihmia tilara prubia, kan upla kumi sin ai karnika ba mita pura lubia apia bamna.