Sins Lâka 19:29 - DAWAN BÎLA AISKA

²⁹ Bin dadaukra nani nina ba, dus ni prukan kaia dusa ba sin pat ridi daukan sa; prukanka nani sin, taniskira nani nina dusa dukiara sin ridi sa.

Sins Lâka 19:29 ပူးပေါင်းရင်းမြစ်များ

2 King Nani 2:24

Bara Ilaidsa tawi kaiki Dawan nina ra lahtuban. Bara baha minit wingku tara wâl unta wina taki bal pîs ra daukan baha tuktika nani 42 kan ba sut ra.

Lawana Nani 1:1

Yamni pali sa baha uplika, upla watawi nani lâka ra taukras ba, saurakira nani yabalka bâk sin waras ba, Gâd lawaska kiki banhwi ba tilara, aikuki prawi kikras ba.

Sins Lâka 1:22

“Sins tânka aitani briras wahmika nani, upla lawaska kakikra, nani bara taniskira nani ba, ¿ahkia kat sins tânka aitani briras lâka ba ra ban lihki kama, bara lilia sâkma lawaska kiki banhwi ba wina, bara sins tânka ra misbara kaikma?

Sins Lâka 1:26

¡Bahamna yang kiki kamna, man nani pâtkam tara mai alkbia ba ra! ¡Sirang dring pruma bara yang lamwaska kiki kamni,

Sins Lâka 10:13

Diara tânka luki uplika bîla nani ba wina, yawan sins lâka sakisa; kuna klala ni, sins yamni briras uplika nina dusa ra wipan kabia.

Sins Lâka 17:10

Diara tânka luki pliki ba uplika ra lawi daukanka ba lika, kupia ra kau diara yamni nani dimisa; sinskas taya ra aima handat kum prukma sin, ai kupia ra diara dimras.

Sins Lâka 18:6

Ai bîla aisinka nani ba mita taniskira ba trabil ra dimisa; ai bîla aisinka ni klala pain briaia makabisa.

Sins Lâka 26:3

Wipaika lika aras dukia, kakma kiwka lika biriku tim daukaia dukia, klala ba sin upla taniskira ba nina dusa dukia sa.

Sins Lâka 3:34

Upla lawaska kakikra ra Dawan mita lawaska kikisa, sakuna bawikira nani ra kupia yamni lâka yabisa.

Sins Lâka 7:22

Dîa sin aisaras mahka witin ninara auya, bîp wainhka mahka ikaia ra brih auya ba baku, sula wainhka daiwan alkaika ra kauhi ba baku,

Sins Lâka 9:12

Man sinskira kama kaka, yamnika nani ba man pali wînam hilpka brima; bara man trabil babukra sma kaka, baha sin man yakan wînam ra baha pâtka nani ba wapni daukma.

Aiseya 28:22

Bamna, ¡nanara man nani, upla mina praprukra lawaska kakikra nani kapara!, mai priskanka nani ba kau karna mai taibaia apia. Kan sauhki tikaia karnika sut bri Dawanka ba wina yang walri, pat luki kaikan sa kuntri aiska purara daukaia ba.

Aiseya 29:20

Upla tataibra nani ba âpu daukan kabia, lawaska kakikra ba sin âpu tikan kabia; bara âpu tiwan kabia saura daukaia luki uplika nani ba.

Kli Smalkanka 25:2

Wihta bui pâtkira ba yaka ai mawanra aimakupbia, bara adar yabia wipaia, witin ai pâtka ba mana.

Hibru Nani 12:6

Kan Dawan ba ani uplika ra latwan kaiki ba, wapnika mangkisa, bara ai luhpia baku bri ba bani ra, klala yabisa.”