Sins Lâka 19:27 - DAWAN BÎLA AISKA

²⁷ Luhpi, lawi dauki smalkanka tânka ba walaia apia swima kaka, sins lâka tânka yamni ba wina mamwahkma.

Sins Lâka 19:27 ပူးပေါင်းရင်းမြစ်များ

2 Samuil 13:5

Jonadab mita witin ra smalkan nahki kupia alkaia: —Krikri ra praws bara siknis mai alkan baku taks. Baku papikam mai kaikaia wabia ba ra witin ra wis, ai pliska pali lamkra Tamar ra wibia, plun piaia maikaia man lamamra wih pata ba piakbia, man kaiki kama ba ra witin maikuya ba pima.

2 Kronikas 10:10

Bara wahma nani witin wal pâwan ba bui pana aisi, win: —Naku aisas naha uplika nani ra naha bîla nani witin nani mai win ba papikam mita karban sunan ba, man mita wirâ mâyara ikma, man naku aisas: ‘Papiki ba karna kan kaka, yang lika man nani ra kau karna kamna;

Sins Lâka 14:7

Waitna taniskira mawan wina laihura was; kan aisinka wina, tânka plikaia lâka ba bribia apia.

Sins Lâka 19:26

Ai aisika ba rausauhkaia, ai yaptika sin kangbi latara saki ba, swira dauki daukanka baha luhpia ba swira daukaia sa.

Sins Lâka 19:28

Witnis bahki nani ba lika, lâ wapni aisi daukaia ba lawaska kikisa; bara upla watawikira bîla ba, saura lâka man aisisa.

Jirimaya 27:9

“Bahamna, man nani baha prapitka aisi ba ra walpara, diara kaikisa wi ba bara yapi kaiki aisi ba, sukia nani ra sin walpara naika diara takaisa wisi aisi ba, bara upla nani ra smalki ba Babilon kingka munhtara bawaia apia.

Matiu 16:12

Ba kat lika disaipil nani tânka brin, Jisas bui brit ra îs mangki ba dukiara lika aisaras kan, sakuna parisi nani bara sadiusi nani smalkanka dukiara aisi kan.

Matiu 16:6

Bara Jisas mita witin nani ra win: —Aman kaiks, parisi nani bara sadiusi nani îska ba dukiara pain damra wali bas.

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Mark 4:24

Naku sin witin win: “Aman kaiks man nani dîa walisma ba. Man nani dîa kulkaika ni kulkisma ba, baha ni sika Gâd mita mai kulkbia; bara kau pura praki maikbia.

Jan 10:5

Bamna sîp nani ba mita upla tringsar nina lika blîkbia apia, sakuna witin nani ba wina plapbia, kan witin nani lika upla tringsar nani bîla baikra ba wawalra apia sa bamna.”

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

1 Timoti 4:7

Sakuna tasba uplika sturka tânkas nani ba bîla walpara. Man wînam ba wark yabi bas, Gâd ra luki kaia ba dukiara.

1 Jan 4:1

Muihki laitwankira nani, Spirit brisa wisi aisi nani ba sut ra kasak lukpara, sakuna tânka nani ba pliki kaiks, Spirit brih aisi ba sut Gâd wina sa sapa. Kan tasba na prapit kuninkira nani ni aibanhwan sa, bamna wisa dîa witin nani aisi ba lika Gâd wina baman sa.

2 Jan 1:10

Ani uplika naha smalkanka brih man nani ra balras sa kaka, wamtla ra dingki bripara, bara lakula sin wipara;

Param Marikanka 2:2

Dîa daukisma ba, yang sut kaikisna; wark karna daukisma ba bara ban bapi buisma ba sin, bara kaikisna upla saura dauki nani ba mapara sip ban swiras. Baha nani ai nina apastil mâkisa, sakuna apastil apia bara ai tânka trai kaikram ba sin, yang pain kaikisna; bara kaikram baha nani ba kuninkira nani sa.