Sins Lâka 19:23 - DAWAN BÎLA AISKA

²³ Dawan sibrinka ba raya kaia ra wan tapahkisa; baha brih bara aitani man luki iwi kabia, pât tara witin ra balbia apia.

Sins Lâka 19:23 ပူးပေါင်းရင်းမြစ်များ

Lawana Nani 103:17

Sakuna Dawan kupia latwanka lâka ba, ban kaia ra bâra sa, baha nani witin ra pain kulki nani ba ra; ai kasakka lâka ba tnata âpu sa baha kiamka nani sut ra,

Lawana Nani 19:9

Dawan sibrinka ba sunu sa, baha ba ban bâra sa. Dawan lâ aisi daukanka nani ba, kasak rait baman sa, lâka nani sut ba wapni baman sa.

Lawana Nani 25:13

yamnika nani baha uplika kan kir yabisa, bara ai kiamka nani ra naha tasba dukia bribia yabisa.

Lawana Nani 85:9

Kasak, sa, Gâd ba wan lamara sa, ya witin ra kulki nani ba swaki sakaia, bara ai prana ba wan tasbaya ra bâra kabia.

Lawana Nani 90:14

Lamtwanka lâka ni ai banhs yu bani ra, bara liliakira aiwani kamni raya sna ba yua sut ra.

Lawana Nani 91:10

bahara diara saura man mampara takbia apia, siknis sin man wamtla ra balbia apia;

Lawana Nani 91:16

Witin ra rayaka yari kaia yabamni; ¡bara swaki sakan lâka liliaki ba sin yabamni!”

Sins Lâka 10:27

Dawan ra sibrinka ba mita, wan yua nani ba kau pura prakisa; sakuna upla watawi nani manka ba, klutka daukan kabia.

Sins Lâka 11:19

Kasakka lâka ninara wama kaka, raya kaia lâka ra wan brih wabia, sakuna saura lâka nina bliki uplika lika, pruaia man plikisa.

Sins Lâka 12:21

Upla kasakkira pât kumi sin wauhbia apia, sakuna watawikira nani lika, diara saura nani ni aibanhwan kabia.

Sins Lâka 19:22

Kupia pihni upla ra umpira kaikan lâka ba, upla nani bui ai âuyapah kulkisa; upla umpira kunin aisaras ba, kanra yamni sa, upla kuninkira ba wal.

Sins Lâka 22:4

Dawan ra bawaia lâka bara pain kulkaia lâka ba wal baha wina lika prisantka dukia kukanka nani takisa, yamni kulkan lâka bara rayaka sin.

Sins Lâka 3:24

Man ris brima taim sibrin mai daukbia apia; man aitnikma ba ra, âmyapah pali yapma.

Malaquía 4:2

Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

Matiu 5:6

“Lilia pali sa baha nani plun dauki bara diran dauki baku ba kasakka lâka dukiara, kan witin nani ba âuyapah lâka bribia.

Apastil Nani Sturka 9:31

Bamna serts ba, Judia ra, Galili ra, Sameria ra, baha tasbaya aiska ba kupia kumi spirit bri pâwi kan. Witin nani Dawan sibrinka ra iwi banhwi kan, Spirit Holikira hilpka ra, bara kau ailal taki kan.

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

1 Timoti 4:8

Wan wîna tara wark taki ba pain sa, sakuna Gâd ra luki kaia ba lika diara sut mapa ra kau pain sa; kan baha diara wankaia pramis wan munisa, tasba ra raya iwi kaia ba, bara naika rayaka briaia ba sin.

2 Timoti 4:18

bara witin sin saurka sut wina dakbi ai sâkbia bara kasbrika purara ba ai kingka lâka bara swaki ai saki ai brih wabia. ¡Witin ra prana ba yaban kabia, ban kaia ban kaia ra! Baku kabia.