Sins Lâka 18:21 - DAWAN BÎLA AISKA

²¹ Prura wih raya kaia wal ba wan twisa karnika mihta ra sa; bara baha lihki uplika baha mâ brih pibia.

Sins Lâka 18:21 ပူးပေါင်းရင်းမြစ်များ

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Sins Lâka 10:31

Upla kasakkira bîla ba sins lâka mâ sakisa, sakuna watawikira nani ra twisa ba dakban kabia.

Sins Lâka 11:30

Kasakka lâka ba rayaka yabisa, karnika ni sauhki tiki ba lika rayaka sakisa.

Sins Lâka 12:13

Upla watawikira ba, ai kuninka aisi ba tilara aiblakwisa, sakuna kasakkira ba lika trabil saura wina swak takisa.

Sins Lâka 21:23

Ya ai tânka brisa dîa aisi ba, aima kumi sin pât ra dimras sa.

Aiseya 3:10

Kasakkira nani ba, witin nani lilia pali kabia, ai mihta warkka mâ nani pibia bamna.

Aiseya 57:19

Bara baha upla sut ra wimni: ‘Kupi kumi lâka laihura nani ba ra, laimara nani ba sut ra sin kupia kumi lâka. ¡Bara yang upliki nani ra rakamni!’

Oseas 10:13

Sakuna man nani lika, watawika lâka mâ nani mangkram bara watawika lâka mâ nani dakbram bara man nani kunin aisaia mâ nani piram. “War waginka nani brisma bara karnikam brisma lukram ba mita war aiklaklabra ailal brisma ba ra sin,

2 Korint 11:15

bara baha mita Sitan dukia dadaukra nani ba sin diara pain dauki uplika talia takisa. Sakuna baha nani yua tnata ba alkbia ai warkka nani ba kat.

2 Korint 2:16

Tanis tiwi uplika nani ba mapa ra lika, baha dus nani angkan kîa painkira ba prura kîa; sakuna swaki saki uplika nani mapa ra lika baha rayaka kaia kîa yabisa. ¿Bara ya baha mapara sip kabia?

Epesus 4:29

Sturi aisi banhwisma ba ra uplikam mapara bîla saura lika aisapara, sakuna hilp munaia bîla ni aisas, dîa witin want dukia ba yama bara baha wal pâwbia, bara bahmuna bîla aisaram wali uplika ba mapara hilpka pali sa.

Kolosi 4:6

Sturi nani aisisma ba sut sin pain bara auhni kabia, bara kaiki banhwi kaia sma, dîa upla ra pana aisaia sma ba.

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.