Sins Lâka 18:16 - DAWAN BÎLA AISKA

¹⁶ Witin prisant kum brih auya ba mita, dur nani ba sut kwâkuya, bara upla kulkanka bri ba kat auya.

Sins Lâka 18:16 ပူးပေါင်းရင်းမြစ်များ

Blasi Sturka 32:20

bara man nani sin witin ra wis: ‘Jekob dukiam dadaukra ba witin sin yang nani ninira aula sa.’ Kan Jekob ai kupia ra naku lukan: “Ai prisantka nani ba pas yang tâiura blikamna kaka, bara baha ni witin ai kupia baiwanka ba lilia daukamna, bara baha ningkara yang mawan kaikamna kaka, ban kra witin yamni ai bribia.”

Blasi Sturka 33:10

Sakuna Jekob pana win: —Apia pali, muihki. Naiwa yawan wal kli prawan na yang ra yamni lukisma kaka, naha prisantka nani na bris. Man mawan kaikri ba ra, Gâd mawan kaikri baku daihra walisna. Man kupiam yamnika lâka tara wal, yamni pali ai brisma bamna.

Blasi Sturka 43:11

Bara ai aisika pana witin nani ra win: —Natka wala ra diara daukaia yabalka wala âpu sa, bamna man nani naku dauks: man nani surunkam bilara, waitnika ba prisantka kum brih was. Wan kuntrika ra diara kau pain ba dukia nani ba wina bri si yas: wan taya ra aubaia batanka, nasma laya, isint kîa pain ba, sîka, amans mâ nani baku.

2 King Nani 5:5

Bara Siria kingka ba win: —Aitani, was, bara yang mita Israel kingka ra wauhtaya kum blikamna. Bamna Naamán taki wan. Bara silbar mâ 30,000, gul mâ 6,000 bara waitna prâka nani matawalsip brih impakata,

Sins Lâka 17:8

Kunin lâka daukanka ni ai uplika wina diara bri ba witin ba sukia spiritka bri baku ai dara walisa; ansa ansara tawi ba ra diara yamni baman witin ra takisa.

Sins Lâka 18:17

Ya pas ai tâwan aisi uplika ba kasakkira baku sa; sakuna witin ai mapara aisi uplika ba aula ba bara param sakuya.

Sins Lâka 19:6

Upla ai kupia swapni bri, ai uplika hilpka ra ai mihta param bri ba, upla sut witin ra pliki baha uplika wal ai uplika takisa.

Sins Lâka 21:14

Sins bri tânka ra prisant yabi ba wan kupia baiwanka kau tara ba sin lamni daukisa.

1 Samuil 16:20

Jesé âu win, bara witin biriku kum ra brit prahkan, wain sin daiwan taya batilka kum sunan, guts lupia sin kum sakan. Bara Debit ba Saúl ra blikan, dukia nani ba yabaia.

1 Samuil 25:27

Nanara yang bui man ra puri sunisni, naha prisantka nani bri balri na uplikam nani ra yui yan kabia;