Sins Lâka 18:14 - DAWAN BÎLA AISKA

¹⁴ Upla siknis swapan ba ai lukanka mita tâ baikuya; ¿sakuna lukanka kriwan ba ya mita buki twilkbia ki?

Sins Lâka 18:14 ပူးပေါင်းရင်းမြစ်များ

Job 6:4

Gâd karnika sut bri ba mita ai trisbaika nani ni ai saban sa, bara baha puisinka nani ba wîni aiska ra plapisa. Gâd maipara aiklabi ba mita sibrin ai daukisa.

Lawana Nani 109:22

Yang umpira pali bara sari brisna, yang kupi ba sin insauhkan sa;

Lawana Nani 55:5

Sibrin saura kum, yang ra ai diman sa, ¡baha sibrinka mita tatatwisna!

Impakan Sturka 6:9

Moses bui Israel luhpia nani ra naha bîla nani kli win, sakuna witin nani lika witin ai bîla walras kan, ban kra witin nani kupia kriwan alba lâka mununhtara wark karna pali taki kan ba mita.

Sins Lâka 15:13

Wan kupia liliaka mita wan mawan lilia sakisa; kupia lukra siknis ba, mawan ba, sari sa.

Sins Lâka 17:22

Wan kupia liliakira ba sîka pain pali sa; kuna wan spiritka kriwan ba wan karnika tiwisa.

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

2 Korint 2:7

Bamna nanara lika kau pain kabia, witin ba saurka swih tikaia lâka bara maisa nihkaia, sarka lâka uya ba mita, baha uplika ban tanis tiwbiara sîa.

Jems 1:2

Muihki nani, man nani traika kaikanka nani wina trabil sât sât brima ba ra, lilia kaia sma.

1 Pita 1:6

Naha dukiara man nani lilia brisma, ban kra aitani kabia, piu wiria pan traika kaikanka ailal pâtka brima.