Sins Lâka 18:10 - DAWAN BÎLA AISKA

¹⁰ Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Sins Lâka 18:10 ပူးပေါင်းရင်းမြစ်များ

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 32:11

Mamkabisni, Dawanki, muihki Isau mihta wina ai dakbi ai sâks. Sibrin ai daukisa witin bal yang wal aiklabi ai ikbia, mayi nani sin ikbia bara luhpi nani sin sut iki tikbia.

2 Samuil 22:2

Naku win: “Dawan, man sika yang kaini kakahbra, yang yukuwaiki watla, pri ai sasakra,

2 Samuil 22:3

yang Gâdki, kaini kahbi ba walpaya, yang laima prakaika, swaki ai saki ba karnika, yukuwaiki rayaka kau purara ba, yukuwaika watla kau purara ba, yang sasakriki. ¡Saura munaia lâka ba wina swaki ai sakram!

2 Samuil 22:51

Man bui bâk sakram kingka ra, pura luan lâka tara ba yabisma; Debit ra bara ai kiamka ra sin latwan lâka ban marikisma.”

Lawana Nani 144:2

witin sika upliki kasak ba, yang kaini kahbaika ba, yukuwaiki kau purara ba, pri ai sasakra; kaini kahbaika sa, witin ra sin yukuwaiki brisni; witin upliki banhwi ba, karnika mununhtara mangkisa.

Lawana Nani 18:2

Dawan, man sika kaini kahbisma, yang yukuwaiki pliska, yang swaki ai sasakra; yang Gâdki, walpa tara, yang ra ai yukukisma ba, yang kaini kahbaika, ai swaki saki karnika ba, yukuwaiki kau tara ba.

Lawana Nani 20:2

Hilpkam blîkbia tâm baikaia, Saion tempelka ba wina.

Lawana Nani 27:1

Dawan ba, yang ingniki, bara yang swaki ai sakisa ¿ya sîa ai daukbia ki? Dawan bui yang rayaki kaina kahbisa; ¿yaura sîa ai daukbia?

Lawana Nani 91:14

“Yang bui swaki sakamna baha nani sut ba mihta wina, kan witin latwan ai kaikisa ai kakaira ba mita.

Lawana Nani 91:2

naku wisa Dawan ra: “Man ba yang yukuwaiki sma, yukuwaiki watla tara, ¡yang Gâdki, yaura kupi aiska kahbamna!”

Impakan Sturka 6:3

Ebraham ra, Aisak ra bara Jekob ra latan takri bara witin nani ra wîri, yang nini ba Gâd karnika sut pali bri ba, sakuna nini pali ‘DAWAN’ ba lika wiras kapri.

Sins Lâka 14:26

Dawan sibrinkira wan kupia mangki briaia lâka bâra sa, bara ai luhpia nani, ai kanra diara briaia ba bîla kaikaia sip kabia.

Sins Lâka 29:25

Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Aiseya 26:4

Man nani lika Dawan ra kasak luki ban bas, kan Dawan ra baman sika wan yukuwaika ban kaia ra bâra sa.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Abakuk 3:19

Kan Dawan wina yang karniki aikisa; sula ai karnika brih plapi ba baku witin mita kuhmi dusa nani ra karniki aikbia, bara yang plapi il nani ra uli swak takamna.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Param Marikanka 1:8

“Yang sika tâ bara tnata lâs ba sin,”, Dawan karnika sut bri ba baku wisa, witinka bâra ban ba, kan wina sin ban kan ba, bara balaia ba sin.

1 Samuil 17:45

Debit pana witin ra win: —Man bui yang maipara, sord, langsa bara aiklabaia dusa brih aulma, sakuna yang lika man mampara aulna, Dawan karnika sut bri ba Israel kwâra tara Gâdka ba nina ra, baha nani ra man mita bit munram ba.

1 Samuil 30:6

Debit ai kupia wal uba aisin kan witin nahki daukaia, ai daknika ba bui mahka walpa ni sabaia muni kan, witin nani sut lawi pali kan ai luhpia nani ra baku takan ba dukiara. Ban sakuna, Dawan ra ai kupia lukra ba mangkan,