Sins Lâka 16:24 - DAWAN BÎLA AISKA

²⁴ Bîla painkira nani aisi ba lika, nasma laya damnira baku sa; wan kupia ra damni sa, bara karnika raya wankisa.

Sins Lâka 16:24 ပူးပေါင်းရင်းမြစ်များ

Lawana Nani 119:103

Man pramiskam nani ba yang dairkaya ra damni pali sa, bîli ra nasma baku sa.

Lawana Nani 19:10

¡Dawan lâka nani ba, gul wal kan mapara tara sa!, ¡gul pali ba wal sin kau mana tara sa! ¡Baha lâka nani ba lika, nasma laya wal kau damni sa!

Sins Lâka 12:18

Upla tila nani aisi ba ispara wan sabi ba baku sa, sakuna sinskira nani aisanka ba lika hilp wankisa.

Sins Lâka 15:23

Pana aisaia bîla pali ba walaia lilia wan sakisa, sakuna nahki prais kau lilia sa baha piua pali kat walaia.

Sins Lâka 15:26

Upla saurakira luki paskan tânka nani ba, Dawan mita saura pali kaikisa, sakuna ai uplika sunukira bîla tâski âpu aisi ba lika, yamni kaikisa.

Sins Lâka 17:22

Wan kupia liliakira ba sîka pain pali sa; kuna wan spiritka kriwan ba wan karnika tiwisa.

Sins Lâka 23:16

Kupi mununhta ba kat âiyapah kira lilia kamna, man unam nani diara wapnikira nani aisabia ba ra.

Sins Lâka 27:9

Batana laya kîa yamni ba wal wan kupia lilia daukisa, baku sa wan uplika tawa muni wan smalki ba wan sulka lilia daukisa.

Sins Lâka 3:8

baha sika wînam tara saika kau pain ba, wînam tara ra sin karna mai sakaia sip ba.

Sins Lâka 4:22

Witin yabisa rayaka bara wan wîna aihwa bri kaia lâka ya sut mita pliki sâkbia ba.

Smasmalkra 12:10

Dîa sip pali ba kat daukan bîla nani tânka ba kaikaia, bîla tânka aisinka nani ba kat kasak ulbaia.

Yamni Kulki Lawana 4:11

Wal kut taki mairka lupia, unam nani wina nasma laya tahwisa. ¡Nasma laya, bîp tialka laya wal, twisam mununhtara sa! ¡Kwalkam nani kîa ba Líbano kîa painka baku sa!

Jirimaya 15:16

Man bui yang ra aisi kapram ba ra, aisinkam nani ba langki katna; baha nani sika yang liliaki âiyapah ai saki kan yang kupi ra, kan yang sika aiska man dukiam sna, Dawan bara Gâd karnika sut man brisma ba.

Kli Smalkanka 32:2

“Yang smalkanki ba lî baku auhbia, yang lukanki asla dauki aisamna ba diwas baku kabia, prata nani ra lî sikwan baku, lî tahwan baku twi purara.

Param Marikanka 10:10

Bara wauhtaika lupia ba insal ba mihta wina brih piri; baha ba bîli ra nasma baku damni kan, sakuna piri ningkara, biaira bilara tahpla takan.