Sins Lâka 16:21 - DAWAN BÎLA AISKA

²¹ Ya sins lâka ra luki kaiki ba, baha ba sinskira nina mâkisa, kupia yamni bîla aisanka ba, kau pain kasak lukaia wankisa.

Sins Lâka 16:21 ပူးပေါင်းရင်းမြစ်များ

1 King Nani 3:12

Bara kaiks, yang lika man bîlam nani kat daukamna. Bamna kaiks, yang kupia sinskira lâka ba maikuna, diara sut tânka pain bri kaia, bara man baku wala kainamra âpu kan, bara ningkamra sin âpu kabia.

Lawana Nani 45:2

Man waitna kau painkira sma, waitna wala nani ba wal. ¡Man unam aisisma ba, wan kupia aihka sakisa! Baha mita Dawan bui man ra yamni mai munbia ban kaia ra.

Sins Lâka 10:13

Diara tânka luki uplika bîla nani ba wina, yawan sins lâka sakisa; kuna klala ni, sins yamni briras uplika nina dusa ra wipan kabia.

Sins Lâka 10:23

Upla sinskas ba, saura lâka daukaia ba, pulaia baku kulkisa; sins lâka mita diara tânka kaiki uplika ai lilia, âuyapah kira sakisa.

Sins Lâka 10:8

Ya sinskira ba lâ bîla nani ba wali brisa; ya mita tanis lâka aisi ba kriwi âpu takbia.

Sins Lâka 15:7

Sinskira nani bîla aisinka wina sins lâka yakabisa, sinskas ba, ai lukanka wal, dîa sut ba mapara man daukisa.

Sins Lâka 16:22

Diara tânka kaikaia lâka brih uplika mapara, raya kaia laya kârma sa; taniskira nani ra diara smalki ba sin, tanis lâka pali man sa.

Sins Lâka 23:15

Luhpi, man sins lâka ba alkma ba ra, yang wal upla wala kau lilia ba âpu kabia.

Sins Lâka 27:9

Batana laya kîa yamni ba wal wan kupia lilia daukisa, baku sa wan uplika tawa muni wan smalki ba wan sulka lilia daukisa.

Smasmalkra 12:10

Dîa sip pali ba kat daukan bîla nani tânka ba kaikaia, bîla tânka aisinka nani ba kat kasak ulbaia.

Aiseya 50:4

Dawan mita ai smalkan swapan nani ba yang mita maisa nihkaia, tasapaia bîla nani aisi. Titan bani lukanki ra ai munisa witin aisi ba pain wali kaia, swapni bani kira baku walaia dukiara.

Oseas 14:9

Sins tânka plaplikra nani tânkira, diara tânka kaikaia pliki nani ba, naha smalkanka tânka na bribia: Dawan yabalka nani ba wapni sa, upla kasak nani ba bahara wapbia; sakuna watawi dadaukra nani ba, baha yabalka ra ai mina prukisa.

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Luk 4:22

Upla nani bahara kan ba sut, Jisas dukiara pain baman aisin, tâ sin iwan kan, bîla painkira nani witin nani ra aisin ba dukiara. Pana pana sin makabi wali kan: —¿Naha apia Josep luhpia ba?

Jan 7:46

Suldiar nani ba mita pana win: —¡Baha waitnika aisi ba baku, kau upla kumi sin aisaras sa!

Roman 16:19

Upla sut kaikisa man nani nahki bîla pain wali daukram; baha ba mita yang uya lilia sna. Bamna yang brin ai daukisa man nani ba diara pain daukaia ridi taki kama, kuna diara saura daukaia lika apia.

Jems 3:17

Sakuna Gâd wina sinska lâka bri uplika nani ba, tâura ai rayaka ba sunu brisa; baha ningkara, kupia kumi lâka brisa, upla ra pain munisa, bara diara tânka kat dauki uplika nani sa. Umpira lâka brisa bara ai uplika ra yamni munisa; witin nani kasak kat daukisa kunin lâka âpu.