Sins Lâka 16:20 - DAWAN BÎLA AISKA

²⁰ Ya pain pura kaiki tâ bribia ba, diara sut ra pain baman kabia, ¡yamni kabia baha nani Dawan ra kasak luki ba!

Sins Lâka 16:20 ပူးပေါင်းရင်းမြစ်များ

1 Kronikas 5:20

sakuna witin nani ra Dawan bui tâ baikan bamna, Agar uplika nani bara dakni nani kum kum Agar uplika wal asla takan kan nani ba sut ai mihta ra kauhan, kan war aiklabi kan piua ra witin nani Dawan ra makaban ai tâ baikbia dukiara, bara Dawan bui tâ baikan, witin nani Dawan ra kasak lukan ba mita.

Lawana Nani 125:1

Baha uplika nani, Dawan ra kasak luki ba, kitras ban bâra kabia sin Saion ilka ba baku, ban kaia ra bâra ba baku.

Lawana Nani 146:5

Lilia man sa baha uplika, Jekob Gâdka ba wina ai hilpka bri ba, wan kanra bîla kaikaia ba, Dawan ai Gâdka sa.

Lawana Nani 2:12

witin lawbiara sîa; man nani yabal ra pruma, kan witin ai kupia baiwanka ba isi pali sa. ¡Yamni pali sa baha nani sut witin ra ai yukuwaika briaia pliki ba!

Lawana Nani 32:10

Watawikira nani pât ailal wahwi kabia; sakuna Dawan kat luki tniwi uplika nani ba, Dawan ai latwanka lâka ba ni uplika ba kir kutbi bribia.

Lawana Nani 34:8

Man nani, Dawan tânka ba kaiks pain sa bara tânka brima. ¡Lilia pali sa baha uplika, Dawan kat ai yukuwaika kulki ba!

Sins Lâka 13:13

Bîla smalkan nani ba wina kum bahki kulkbia uplika ba lika ai bîla saki inbia, sakuna lâ bîla ra sibrin luki uplika ba, ai mana bribia.

Sins Lâka 13:15

Tânkira munaia ba tâka mita yamni wan kaikuya, sakuna upla âiatkra nani yabalka ba sauhki tikaia ra auya.

Sins Lâka 17:2

Alba kum tânkira muni ba mita, luhpia waitna wan swira lâka paski ba, pura aimakbia; bara ai muihni nani tilara ai dukia tara ba tar baiki bribia.

Sins Lâka 19:8

Witin sins lâka yamni lan taki alki bri baku dauki ba, ai rayaka ra latwan kaikisa bara pâwisa.

Sins Lâka 8:35

Kan yang ai sakaia ba, sim rayaka pliki sakaia ba baku sa, bara Dawan kupia yamnika lâka bribia.

Aiseya 30:18

Sakuna Dawan lika man nani bîlam kaikisa, man nani dukiamra ai kupia swapni brisa; witin bîlam kaiki latwan mai kaiki ba mamrikisa, kan Dawan Gâd ba kasakkira sa. ¡Lilia pali sa baha nani witin kat ai lukanka mangki bri ba!

Daniel 3:28

Baha pali minitka ra, Nabucodonosor wini aisin: “Sadrac, Mesac bara Abed-negó Gâdka ra mayunan kabia, witin ai insalka blikan ai napakan kasakkira nani ba swaki sakaia, witin nani king dîa lâ mangkan ba kulkras, kanra yamni lukan pruaia gâd nani ra bawi mayunaia kaka, baha nani witin nani ai Gâdka pali apia ba.

Daniel 6:23

Bamna king ba lilia pali takan, bara win Daniel ba layan nani watla wina sâkbia. Witin nani sakan, bara kaikan Daniel wîna ra insauhkan lupia kumi sin âpu kata, kan witin ai Gâdka ra kasak luki kan ba mita.

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.