Sins Lâka 16:17 - DAWAN BÎLA AISKA

¹⁷ Wapnikira nani ba lâ saura ba wina dakwi takaia sa, daukanka alki yamni alki bri ba uplika lika ai rayaka aihwaki kaiki brisa.

Sins Lâka 16:17 ပူးပေါင်းရင်းမြစ်များ

Job 1:1

Us tasbaya ra waitna kum bâra kan, ai nina ba Job; witin ai rayaka ba tâski âpu lâka ra wapni iwi kan, Gâd dukia kasak yamni dauki kan, upla ra saura munras yamni baman muni kan.

Sins Lâka 10:9

Ya tras âpu ba sibrin kumi sin âpu sa; ya saura tauki ba, saura danh takbia.

Sins Lâka 19:16

Lâ bîla ban bri yamni dauki uplika ba, ai rayaka main kaikisa; kuna Dawan smalkanka alki briras uplika ba lika prubia.

Sins Lâka 21:23

Ya ai tânka brisa dîa aisi ba, aima kumi sin pât ra dimras sa.

Sins Lâka 22:5

Kiaya nani, kiwa wilkanka nani, upla warha yabalka ra bâra sa: sakuna ya ai rayaka aihwaki kaiki uplika, baha nani wina laihura wabia.

Sins Lâka 4:23

Lukankam main kaiks diara sut purkara, kan witin sika rayaka kârma.

Aiseya 35:8

Yabal tara, yabal sirpi bâra kabia, bara nina mâkan kabia “Holikira kaia yabalka nani.” Diara tâski ba bahak lubia apia; sinskas nani ba, baha yabalka ra sip wapbia apia.

Matiu 24:13

Sakuna ya tnata kat ban bapi bubia ba, swaki sakan kabia.

Apastil Nani Sturka 10:35

sakuna witin pain kulkisa ani nisanka witin ra sibrin luki bara diara pain sin dauki ba.

Apastil Nani Sturka 24:16

Baha mita sika yang kupi lukanka tânka ba klin brisna, Gâd mawanra bara upla nani mawanra sin.

Hibru Nani 10:39

Yawan lika ai ninara tawan bara sauhki tiki ba uplika nani apia sa. Sakuna, yawan na kasak lukan lâka brisa bara swaki sin wan sakan sa.

Judas 1:21

Gâd latwanka lâka ra ban bas, bara bîla kaiki bas wan Dawan Jisas Kraist mita ai kupia pihni lâka ra, raya ban kaia lâka ba wankbia.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 3:10

Ban bapi buaia lâika ba ban bri kapram, baha ba mita tasba aiska ra trabil balaia piua ba wina ban pain mai bri kamna; baha trabilka ba lika tasba ra iwi uplika sut ra traika kaikbia sa.