Sins Lâka 16:14 - DAWAN BÎLA AISKA

¹⁴ King kupia baiwanka ba lika, prura sturka twilkisa baku sa, bara sinskira nani dukia sa lamni daukaia ba.

Sins Lâka 16:14 ပူးပေါင်းရင်းမြစ်များ

Blasi Sturka 40:2

King fero ba ai kupia baikan baha waitna tara nani ba wâl ra: wain glas ra lalaikra nani pura kakaira ba bara brit âiangkra nani pura kakaira ba mapara.

Ester 7:7

Bara king Asuero ba baha pata tara ba wina ai kupia sauhki, bara bûi mahka utla latara taki wan. Sakuna Amán lika kwin Ester ra ai rayaka swaki sâkbia wisi aisi tauki kata, kan witin ba pat ai dahra wali kan, king bui witin ra ikaia pâtka ra lakbia ba.

Sins Lâka 15:18

Kupia baiwrira waitnika lika, unsaban bukisa; ya kupia swapni ba, unsaban ba lamni daukisa.

Sins Lâka 16:13

King nani ba latwan lâka manis brisa, latwan sa bara sin yamni kaikaia lâka ba, baha nani kulkanka lâka bara kasakka lâka ra aisi nani ba ra.

Sins Lâka 16:15

King mawan liliaka ra sika wan rayaka briaia ba bâra sa; bara witin, yawan ra yamni luki ba lika, kasbrika ra lî bâra ba baku sa.

Sins Lâka 17:11

Upla unsasabra ba aiklabaia baman plikisa; bamna maisa pakra kupias ba witin mapara blikan kabia.

Sins Lâka 19:12

King lawanka ba layan ihbi ba baku sa; sakuna witin yawan ra yamni luki ba, diwas laya twi purara ba baku sa.

Sins Lâka 20:2

King kupia baiwanka ba sika, layan ihbi ba baku sa; ya witin kupia baiwan bara tuski ba, witin ai rayaka pali mapara saura daukisa.

Sins Lâka 29:26

Upla manis wihta mawanka plikisa ai lâka aisi daukaia, sakuna Dawan baman kasak lâka daukisa.

Sins Lâka 29:8

Lawaska kakikra nani, tawan aiska pauta ni mukisa, kuna sinskira nani lika, lawan tara ba kli lamni daukisa.

Smasmalkra 10:4

Wihta aimaki ba man wal ai kupia baikbia sa kaka, man kupiam sauhkpara; upla nani swakwanka tara ba saika sika, diara nani ba tânkira daukaia ba.

Daniel 2:16

Bara Daniel lika king ra wih makaban piua wiria yabia, bara witin baha yaprisauhkan kaikan ba wibia, tânka nani ba sin.

Mark 6:27

Bara mahka king ai suldiarka kum blikan Jan lal ba brih balaia wisi.

Apastil Nani Sturka 12:20

Herod lika ai kupia baiki kata, Tiro bara Sidón wal tawanka ra iwi uplika nani mapara, kuna yu kum witin nani sut aidrubi balan witin ba mawanra. Sakuna witin nani lalah ni Herod suldiarka wihtka kumi wal uplika taki banhwan, baha nina ba Blasto kata. Bamna witin bâk kupia kumi lâka makaban, witin nani ai tasbaya ba king kuntrika wina ai pata bri kan bamna.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.