Sins Lâka 15:5 - DAWAN BÎLA AISKA

⁵ Upla taniskira ba, ai aisika bui witin ra smalkan ba bahki kulkisa; ya wali alki bri ba, sins lâka ba marikisa.

Sins Lâka 15:5 ပူးပေါင်းရင်းမြစ်များ

1 Kronikas 28:20

Bamna Debit bui Salaman ra win: “Kupiam karna bris bara karna bas, wark ba mihtam ra bris. Si bripara, swapni sin takpara. Kan Dawan Gâdki ba man wal kabia, witin yakan mai lulki swibia apia, tempel warkka ba sut dauki tnata alkma ba kat.

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

Lawana Nani 141:5

Upla kasakkira klala aikbia kaka, kupia pihni lâka kabia, bara lawi ai daukbia kaka sin isint kîa kum baku kabia. Baha sut bahki lulki swimna apia; yang ra ai prukbia sin ban puri suni kamna.

Sins Lâka 1:23

Yang smalkanki na wals, bara spiritki ni mai banhkamna; yang maikamna lukanki tânka briaia.

Sins Lâka 1:7

Dawan ra kulkaia lâka ba sins lâka tâ krikanka sika; taniskira nani ba, sins lâka bara diara wan smalkan ba bahki kulkisa.

Sins Lâka 10:1

Salaman aisanka nani ba: Luhpia waitna sinskira ba, ai aisika nani ra lilia sakisa, kuna luhpia waitna taniskira ba, ai aisika nani sarka paskisa.

Sins Lâka 13:1

Luhpa waitna sinskira ba ai papika smalki ba walisa, sakuna luhpa saura ba lika, smalki bîla ba walras sa.

Sins Lâka 13:18

Umpira bara saura pali kulkan kabia, baha nani smalkanka ra saura kulkbia ba, kulkanka tara bribia ya smalkanka ba walbia kaka.

Sins Lâka 15:4

Latwan luki wan twisa tawa aisi ba, raya kaia dusa sa, kuna warha aisi kaka, upla spiritka sauhkisa.

Sins Lâka 15:6

Kasakkira ba watla ra, yuyaka ailal kukan sa, kuna upla watawikira dukia ailal ba, maihsas pali sa, bara sin trabil man sa.

Sins Lâka 19:20

Lâ tânka mai smalki ba wals, bara kupia krauki ba alki bris, baha mita man almuk takma bara sinskira kama.

Sins Lâka 25:12

Gul kau pain ba ni mihtadingka kum, lilura kum daukan ba baku sa, sinskira wan kupia kraukaia smalkan bîla ba, upla kum baha alki briaia tânka bri ba.

Sins Lâka 6:23

Kasak lâ bîla bara smalkanka ba, lamp kum ingni klauhi ba sika; wapni takaia lâka bara kupia kraukaia ba sika, rayaka yabalka ba.

Taitus 1:13

Bara witin diara kasak ba kat aisan. Ba mita sika man mita baha nani ra karna pali lawi dauks, bara baku lika witin nani ba kasak lukan lâka mapa ra yamni nani kabia;

Taitus 2:15

Naha dukia nani na man smalks, bara karnikam aiska ni upla nani tâ baiks bara lawi sin dauki bas. Upla kumi mita sin yarka bahki mai kulkbiara.