Sins Lâka 15:32 - DAWAN BÎLA AISKA

³² Diara wan smalkan ba sip kulkras uplika, witin ai rayaka ba bahki man kulkisa, sakuna wan kupia kraukanka wali ba lika, sins yamni alki bribia.

Sins Lâka 15:32 ပူးပေါင်းရင်းမြစ်များ

Lawana Nani 50:17

lawi mai daukisma ba yamni kaikras sma ba, baku sin yang bîli nani ra sin kulkanka yaras sma ba?

Sins Lâka 1:7

Dawan ra kulkaia lâka ba sins lâka tâ krikanka sika; taniskira nani ba, sins lâka bara diara wan smalkan ba bahki kulkisa.

Sins Lâka 10:17

Smalkanka yan ba ban brih dauki uplika ba, raya kaia yabalka ra sa; sakuna wan kupia kraukanka lulki swi uplika ba, tanis tiwaia lâka ra auya.

Sins Lâka 13:18

Umpira bara saura pali kulkan kabia, baha nani smalkanka ra saura kulkbia ba, kulkanka tara bribia ya smalkanka ba walbia kaka.

Sins Lâka 15:14

Wan kupia tânka brih luki ba, sins lâka plikisa, sakuna taniskira nani bîla lika ai taniska lâka ba ai pata baku brih pîsa.

Sins Lâka 15:21

Tanis lâka lika, sins yamni luha uplika liliaka sa; sakuna diara tânka brih luki uplika, ai wapnika ba wapni daukisa.

Sins Lâka 15:31

Rayaka ba wapni daukaia, lawi bara wali ba, sinskira nani tilara ai pliska kum bribia.

Sins Lâka 15:33

Dawan ba kulkanka yabaia ba lika, sins lâka tânka wan smalkisa; kulkanka tara briaia kaka, tâura bawan lâka bri kaia sa.

Sins Lâka 15:5

Upla taniskira ba, ai aisika bui witin ra smalkan ba bahki kulkisa; ya wali alki bri ba, sins lâka ba marikisa.

Sins Lâka 17:16

¿Dîa muni upla sinskas ba, ai mihta ra lalah brih aula sins lâka atkaia, witin diara tânka kaikaia briras ba ra?

Sins Lâka 18:15

Sinskira nani ba bara diara tânka kaikaia pliki luki uplika ba, baha tânka ba pliki sakisa.

Sins Lâka 19:20

Lâ tânka mai smalki ba wals, bara kupia krauki ba alki bris, baha mita man almuk takma bara sinskira kama.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Smasmalkra 7:5

Kau yamni sa sinskira mita lawi dauki ba walaia wihki, sinskas nani mayunra ba wal.

Aiseya 1:5

¿Dîa muni man nani klala kau makabisma? Wînam aiska ba mai wipan sa. Lamla ba insauhkan sa, karnikam sin aiska âpu pali takram sa.

Aiseya 3:9

Witin nani ai swira âpu tâka mita ai saurka ba yukukras witin nani ai witnis aisisa; Sodoma baku ai saurka dahra tasba aiska ra maisa pakisa, yukukras. ¡Witin nani ra saura pali kabia, kan silp daukisa, klala briaia ba!

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Kli Smalkanka 21:18

“Upla luhpa kum kra brisa, bîla walras kiamapara sa, aisika mita smalki klala wipi ba sin walras,

Kli Smalkanka 21:20

bara wibia: ‘Wan luhpia nani na wan bîla walras diara sut ra; lâka saura, bla baman sa.’

Hibru Nani 12:15

Man nani damra wali bas, upla kumi sin Gâd yamnika lâka ba wina ai ninara tawbiara sîa. Damra wali bas, man nani wina kumi sin dus tahpla kum pâwi ai puisinka ni upla ailal ra trabil muni ba baku kabiara.

Jems 1:22

Sakuna sturi yamni na walaia baman apia, dîa wi ba alki daukaia sa; kan baku daukras kaka, wînam ra kunin munisma.

Param Marikanka 3:19

Yang lika latwan kaikisna bara uplika sut ra lawi daukisni, wapni sin daukisna. Baku bamna, man kasak bas bara kupiam sin laks.