Sins Lâka 15:30 - DAWAN BÎLA AISKA

³⁰ Wan nakra nani ingnika mita wan kupia lilia sakisa, bara bîla dahra yamni walan ba mita, wan karnika raya wankisa.

Sins Lâka 15:30 ပူးပေါင်းရင်းမြစ်များ

Esdras 9:8

Ban sakuna, nanara, Dawan wan Gâdka, kupiam swapnika lâka ra wan brisma, sip kan yang nani tili wina upla dakni kum pri takaia bara yawan nani ra sans wankan, tasba holikira ra wan watla nani mâkaia alba lâka ba wina piua wiria, yang nani ris briaia aikram.

Lawana Nani 89:15

Man Dawan, lilia pali sa baha uplika lilia mamyunaia lan banhwi ba, bara ingnikam ba ai yabalka ra ingwi kabia,

Sins Lâka 12:25

Kupia wirha lâka mita upla spiritka ba batakisa, sakuna bîla yamni kumi, baha ba lilia sakisa.

Sins Lâka 13:9

Kasakkira nani ba lamp kum baku ingwisa, watawikira ba lamp kum daswan ba baku sa.

Sins Lâka 15:29

Dawan lika upla watawikira nani wina laihura sa, kuna witin kasakkira nani pura sunra ba walisa.

Sins Lâka 15:31

Rayaka ba wapni daukaia, lawi bara wali ba, sinskira nani tilara ai pliska kum bribia.

Sins Lâka 17:22

Wan kupia liliakira ba sîka pain pali sa; kuna wan spiritka kriwan ba wan karnika tiwisa.

Sins Lâka 25:25

Diran dauki uplika kârma ra lî kauhla pain ba baku sa, sturi yamni laih kuntri wala wina aula ba.

Sins Lâka 3:8

baha sika wînam tara saika kau pain ba, wînam tara ra sin karna mai sakaia sip ba.

Smasmalkra 11:7

Yu ingnika ba pain pali sa, bara yamni sa wan nakra ba lapta ra kaikaia.

Aiseya 58:11

Yang mita piua bani ra tâm bri kamna, bara upla iwras tasbaya ra plun ailal maikamna, wînam aiska ra karnika maikamni bara sin tangni nani ailal pâwi pliska giadin baku, pain lî ni buskan kabia, lî nani kârma kum baku, baha laya nani ba sip lâwras ba baku.

Param Marikanka 21:23

Tawanka ba wan yu lapta ba, kati ba sin, ai ingnika yaia apia kabia, Gâd ingnika pali ba witin ra ingwisa bamna, bara Sîp ba ai lampka sa.

Param Marikanka 22:5

Bahara tihmia âpu kabia, bara bahara iwi nani ba lamp ingnika, yu lapta ingnika sin luha kabia apia, kan Dawan Gâd mita witin nani ra ingni yabia, bara witin nani king aimaki kabia ban kaia ra ban.