Sins Lâka 15:26 - DAWAN BÎLA AISKA

²⁶ Upla saurakira luki paskan tânka nani ba, Dawan mita saura pali kaikisa, sakuna ai uplika sunukira bîla tâski âpu aisi ba lika, yamni kaikisa.

Sins Lâka 15:26 ပူးပေါင်းရင်းမြစ်များ

Lawana Nani 19:14

Bîli aisinka nani ba, kupi mununhtara lukisna ba sin, yarka man mamwanra briaia yamni kulkan kabia; Dawan, yang yukuwaiki walpaya tara, ai atki sasakra sma ba.

Lawana Nani 45:1

Lukanki na bîla painkira aisaia ni banhwan sa; twisi ba âiulbra pain kum pinsilka baku sa. King mawanra, mayuni aisi bîla nani aisaisna.

Sins Lâka 11:20

Kupia watawi uplika nani ba Dawan nakra ra saura pali sa, sakuna yabal aihwa ra man tauki uplika nani ra yamni lukisa.

Sins Lâka 15:23

Pana aisaia bîla pali ba walaia lilia wan sakisa, sakuna nahki prais kau lilia sa baha piua pali kat walaia.

Sins Lâka 15:25

Dawan bui prautkira nani watla ba sauhki tikbia. Kuna piarka tasbaya piarkika ba dutki bapbia.

Sins Lâka 15:27

Upla gridikira lika, witin ai watla bilara trabil bukisa, sakuna taiban lâka mana briaia waihla ba lika, raya kabia.

Sins Lâka 16:24

Bîla painkira nani aisi ba lika, nasma laya damnira baku sa; wan kupia ra damni sa, bara karnika raya wankisa.

Sins Lâka 24:9

Upla taniskira lukanka ba sika, saurka lâka ba; ¡upla âpu sa taniskira wal ai kupia alki takaskaia!

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Matiu 15:19

Kan wan kupia wina aula ba lika naha nani: lukanka saura nani, upla ikaia lâka, marit lâka sauhkaia, tâski lâka nani, implikan lâka nani, kunin lâka nani, upla nina ra kunin aisaia lâka nani sin.