Sins Lâka 15:14 - DAWAN BÎLA AISKA

¹⁴ Wan kupia tânka brih luki ba, sins lâka plikisa, sakuna taniskira nani bîla lika ai taniska lâka ba ai pata baku brih pîsa.

Sins Lâka 15:14 ပူးပေါင်းရင်းမြစ်များ

Lawana Nani 119:100

Almuk nani wal, yang kanra diara tânka brisna, kan man smalkankam lâka nani bîla wali daukisna bamna.

Lawana Nani 119:97

¡Nahki man smalkankam ra latwan kaikisni! Bahara yang yu aiska lukisna.

Sins Lâka 1:5

Ya sinskira bara lal swapni ba lika walbia, bara diara kau lan takaia plikbia,

Sins Lâka 12:23

Aman kaiki uplika diara kaiki ba yukuki brisa, sakuna sinskas nani kupia lika tanis lâka upla sut ra maisa pakisa.

Sins Lâka 15:15

Ya mapara sari lâka ra sma ba, yu bani ba saura sa; ya mapara ai âuyapah bri ba, liliaka kum piua bani ra kabia.

Sins Lâka 18:15

Sinskira nani ba bara diara tânka kaikaia pliki luki uplika ba, baha tânka ba pliki sakisa.

Sins Lâka 9:9

Sinskira ra diara yas, bara witin kau sinskira takbia; upla pain ra diara smalks, bara witin kau aiska sinskira takbia.

Aiseya 30:10

Diara kaiki nani ra witin nani wisa: “Lilka aihka nani bâra ba man krikpara.” Prapit nani ra sin wisa: “Diara rait param mariki ba yang nani ra ai wipara; bîla damni swapni ba baman aisi bas; diara kupi lilia dauki nani ba yang wina sâkpara.

Aiseya 44:20

Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Oseas 12:1

Efraín ba, pâsa pih ai biara banhwisa: yu aiska, lalma payaska krawi ba ninara auya. Kunin aisi ba kau aisaia, lâ krikanka nani dauki ba kau daukaia lan takisa. Asiria wal lâ nani daukisa ba ra, batana laya prisantka nani, Idsip ra blikisa.”

Apastil Nani Sturka 17:11

Naha Juka nani na kau upla painkira nani kan Tesalonaika nani ba wal. Witin nani ai kupia aiska ni Dawan bîla ba brin kan, bara yu bani Ulbanka nani ba tânka pliki kaiki kan, diara nani aisi kan ba kasak sapa.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.