Sins Lâka 14:31 - DAWAN BÎLA AISKA

³¹ Upla umpira ra taibi ba, Papaskrika ba mina batakisa; sakuna baha uplika ra kulkanka yabi ba lika, Papaskrika ba mayunisa.

Sins Lâka 14:31 ပူးပေါင်းရင်းမြစ်များ

Job 24:4

Umpira nani ba yabal wina tnaya ra kangbi lakisa, bara upla bawikira nani ba yukuwaia sa.

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Sins Lâka 14:21

Ya ai walka ra bahki kulki uplika lika, saura kum daukisa, sakuna upla umpira nani ra yamni muni ba âuyapah kira sa.

Sins Lâka 17:5

Upla umpira lawaska kiki uplika ba, ai Papaskrika ra mapara buisa, ai pâtka tara ba dukiara lilia taki ba sin, klala briras ban kabia apia.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Sins Lâka 22:16

Ya ya umpira uplika ra taibi muni ba witin ai dukia kan manis briaia mata, apia kaka ya yuyakira diara yabi ba, baha uplika diara luha takbia.

Sins Lâka 22:2

Lalahkira bara umpira ba wal diara sin dukia bri ba; wâlsut ra Dawan mita paskan ba.

Sins Lâka 28:8

Ya ai yuyaka ailal dauki brisa kaka, lin muni pura praki diara bri ba mita, upla umpira nani ra yamni muni ba, uplika nani ra yaia kukisa.

Smasmalkra 5:8

Aihka lukpara, kuntri kum mita umpira nani ra taibi brisa kaka; bara karna lâka munisa, kasak lâka bara raitka lâka ra sin; kan war tâ uplika kum, wala kau tara ba mita pura prakisa, bara kau purara tâ aimaki ba mita wâlsut ra pura prakisa.

Libait Lâka 25:17

“Upla kum upla wala ra, lâ kat apia taiban wina dukia dakbi bripara, yamni kulkisma ba mariks Gâdkam lâka ba. Yang sika man nani Dawan Gâdkam.

Libait Lâka 25:35

“Man nani kiamkam tilam wina kum diara âpu takan, umpira sa kaka, bara witin ba man ra hilp pliki aula ba ra, hilp munaia kama upla tringsar kum baku, bara man wamtla ra plis yama.

Jan 12:8

Piu bani upla umpira nani ba tilamra bri kama, sakuna yang lika piu bani ban ai bri kama apia.

Kli Smalkanka 24:14

“Umpira nani ra impliki, ai mana yabaia sin takaski bri kapara, tawankam uplika kabia, tringsar nani tasbayam ra nani ra sin apia.

1 Jan 4:21

Kraist mita naha lâka na wankan: Gâd ra latwan kaiki uplika ba, ai muihni ra sin latwan kaikaia sa.