Sins Lâka 14:22 - DAWAN BÎLA AISKA

²² Ya nani saura daukaia pliki ba, yabal ba tikisa; ya nani yamni daukaia pliki ba, latwan lâka bara diara daukaia luki ba, witin dukia sa.

Sins Lâka 14:22 ပူးပေါင်းရင်းမြစ်များ

Blasi Sturka 24:27

Witin aisi, win: “¡Dawan ba yamni pali kabia, dawanki Ebraham Gâdka ba, witin ai kasakka lâka ra umpira kaikan lâka ba kat dawanki wal lâ daukan ba, bara yabalki ra witin tâi bri impakan, yang dawanki muihnika nani watla kat waia!”

2 Kronikas 6:8

Ban sakuna, Dawan bui aisiki Debit ra win: ‘Tempel kum yang nini ra mâkaia kupiam ra brisma ba, baha sât lukanka brisma ba lika yamni sa,

Lawana Nani 25:10

Dawan ba piua bani latwan lâka ni, ai bîla aisi ba kat daukisa, baha nani ai lâka kat dauki bara kulki uplika nani ba wal.

Lawana Nani 36:4

Ai krikrika ra aitniki, saura daukaia dukiara luki kaikisa; saurka lâka yabalka ra karna pali alkan ba mita, watawika lâka ba lulki swin daukras sa.

Lawana Nani 61:7

Bara man yamnikam ba wal ban iwi kabia, man lamtwanka lâka bara kasakkam lâka ba ni sin main kaiki bas.

Sins Lâka 12:2

Upla yamni ba, Dawan wina kupia yamni lâka saki bribia, sakuna diara saura nani luki waitnika ba, witinka bui pâtkira kulkbia.

Sins Lâka 12:26

Kasakkira ba ai uplika ra yabal marikisa, kuna upla watawikira nani ba, ai yabalka ba wal kli aimawahkisa.

Sins Lâka 14:17

Ya diara isti dadaukra ba lukras kira diara daukisa; ya kupia krauki smalki ba laman lâka ra sâp kabia.

Sins Lâka 14:23

Wark sut daukan bani wina mâ sakisa, sakuna wan bîla nani bahki man aisin bani mita, umpira wan sakisa.

Sins Lâka 19:22

Kupia pihni upla ra umpira kaikan lâka ba, upla nani bui ai âuyapah kulkisa; upla umpira kunin aisaras ba, kanra yamni sa, upla kuninkira ba wal.

Sins Lâka 24:8

Saura man daukaia ai kupia ra luki paski uplika ba, witin ai nina ba lika saura mamunra dawanka mâkan kabia.

Sins Lâka 3:29

Saura daukaia lukisma ba daukpara, man ra kasak luki iwi ba mapara.

Sins Lâka 3:3

Latwan lâka ba lulki swipara bara kasakka diara rait ba sin; lilura awa baku man brih tauks, sinskam ra ulbi bris,

Sins Lâka 6:14

witin lukanka ra lâ warha nani bâra sa, piua bani ra lukisa saura ba daukaia, bara unsaban lâka tuski wataukisa.

Miqueas 2:1

¡Nahki saura kabia baha nani, tihmia aiska ai krikrika ra prawi, nahki saura daukaia ba dukiara baman luki kaiki ba, bara titan yu baiwan wal saurka ba mahka daukuya, witin nani karnika ai mihta ra bri bamna!

Matiu 5:7

“Lilia pali sa upla wala ra umpira kaiki nani ba, Gâd sin witin nani ra umpira kaikbia bamna.

Jan 1:17

Gâd mita lâ ba Moses bâk yan kata; sakuna latwan lâka bara kasak tânka ba lika, Jisas Kraist bâk baman lika sip kata.

Jasua 2:14

Bara waitna nani ba pana witin ra win: —Yang nani rayaki pali ni man nani rayakam pali ba dukiara aisamna, yang nani nâra balri na dukiara man bîlam wina upla wala ra aisaras pali kama kaka. Dawan naha tasbaya na yang nani ra aikbia ba ra, kasak lukanka ba praiska wal, kunin âpu lâka ra yang nani bui man ra yamni mai munamna.