Sins Lâka 14:17 - DAWAN BÎLA AISKA

¹⁷ Ya diara isti dadaukra ba lukras kira diara daukisa; ya kupia krauki smalki ba laman lâka ra sâp kabia.

Sins Lâka 14:17 ပူးပေါင်းရင်းမြစ်များ

2 King Nani 5:12

¿Damaskus awala Abaná bara Farfar wal ba, laya kau pain apia sa ki Israel laya nani ba wal? ¿Yang bahara aihtabamna kaka, sip sna apia kau klin pain takaia? Bara ai kupia kasak sauhki baha wina mahka wan.

Ester 3:6

Sakuna pat win kan, Mardoqueo ba ya kiamka kata, kan pat param takan kata Mardoqueo ba ani wina ba; bara Amán ba ai lukanka ra brin, Ju nani aiska Asuero kingka tasbaya ra iwi nani kan ba sut iki tikaia.

Sins Lâka 12:16

Upla taniskira ai kupia sauhki ba mahka param sakisa, sakuna aman kaiki uplika lika lahtubanka ba uya lukras.

Sins Lâka 12:2

Upla yamni ba, Dawan wina kupia yamni lâka saki bribia, sakuna diara saura nani luki waitnika ba, witinka bui pâtkira kulkbia.

Sins Lâka 14:16

Upla sinskira lika saurka ra sibrin lukisa, bara saura ba wina mahka taki auya, sakuna sinskas ba mapara, diara kumi sin tânka tara aihwa ba âpu sa.

Sins Lâka 14:18

Taniskira nani ai taniska lâka dauki ba, baha dawanka nani sa; sakuna sinskira nani ba lika tânka kaikaia lâka mita kir kutbi brisa.

Sins Lâka 14:29

Upla ai kupia alki takaskaia lâka manis bri ba, sins tânka bri ba marikisa; sakuna sip ai kupia alki takaskras uplika ba, tanis lâka tânka marikisa.

Sins Lâka 15:18

Kupia baiwrira waitnika lika, unsaban bukisa; ya kupia swapni ba, unsaban ba lamni daukisa.

Sins Lâka 16:32

Kau yamni sa kupia swapni kaia wihki kupia karna kaia ba wal, kau yamni sa, ai wîna ra taibi muni pura lui ba wihki, tawan kum pura luaia ba wal.

Sins Lâka 20:3

Upla prana ba sika, unsaban ba wina laihura takaskaia ba; kan taniskira nani baha tilara ban aiblakwisa baman.

Sins Lâka 22:24

Kupia baiwi uplika wal uplikam takpara, bara kupia lapta waitnika aikuki wapara.

Sins Lâka 29:22

Lawan tara bri waitnika ba blahwan bukisa, bara kupia lapta uplika piua bani lâ manis sauhki unsabisa.

Sins Lâka 6:18

lukanka saura daukaia luki paski ba, mina nani aihni diara saura daukaia brih wi ba,

Smasmalkra 7:9

Kupiam sauhkanka mita yarka mai brih wabiara, kan kupia sauhkanka ba, upla sinskas nani dukia sa.

Aiseya 32:7

Kunin mamunra kunin wal ai tâ baikisa, alkaia kiwka nani mangkisa umpira kaikras lâka ra; umpira nani ba kunin ni blakaia, diara luha umpira nani, kasakka lâka ra makabi nani ba mapara.

Jems 1:19

Naha na âmya ra bri bas, muihki laitwankira nani: man nani kumi bani walaia dukiara ridi kaia sma, sakuna damra wali kaia sma, aisaia bara praut takaia mapa ra.