Sins Lâka 14:16 - DAWAN BÎLA AISKA

¹⁶ Upla sinskira lika saurka ra sibrin lukisa, bara saura ba wina mahka taki auya, sakuna sinskas ba mapara, diara kumi sin tânka tara aihwa ba âpu sa.

Sins Lâka 14:16 ပူးပေါင်းရင်းမြစ်များ

Blasi Sturka 33:9

Isau pana win: —Apia, muihki; yang sin daiwan aitani brisna. Man daiwram nani ba bris.

Blasi Sturka 42:18

Sakuna yu yumhpa ba luan ningkara, Josep witin nani ra win: —Yang lika Gâd ra sibrin lukisni. Bamna man nani naha dauks bara pâtkam nani ba ban swih tikan kabia, bara baku raya banhwi kama.

1 King Nani 19:2

Bara Jezabel bui maisa papakra kum Ilayas ra blikan bara win: “¡Man ba Ilayas sma, yang na Jezabel! Yauhka naha awarka ra yang bui baha Baal prapitka nani ra munram ba baku, man ra mai munras sna kaka, gâd nani ba bui kau saura pali ai munbia.”

1 King Nani 20:18

bamna king ba bila: “¡Baha nani kupia kumi lâka dukiara, apia kaka war aiklabaia dukiara balbia sin, yang bui witin nani ba raya kaka maiwanra briaia want sna!”

Nihimaya 5:15

Sakuna wihta wala nani yang kainira aimaki kan ba tawan purara wirhika kum; kan yu bani witin nani silbar mâ 40 upla nani wina dakbi kan, baha ba plun piaia bara wain diaia mana saki kan. Baha purkara witin nani wal wark taki nani kan ba mita tawan ra taibi muni kan. Sakuna yang lika baku daukras, Gâd ra sibrin lukisna bamna.

Job 1:1

Us tasbaya ra waitna kum bâra kan, ai nina ba Job; witin ai rayaka ba tâski âpu lâka ra wapni iwi kan, Gâd dukia kasak yamni dauki kan, upla ra saura munras yamni baman muni kan.

Job 28:28

Bara Gâd mita upla nani ra win: “Dawan dukia ba kasak daukaia ba, baha sika sins lâka ba, saura wina tnaya ra tawaia ba sika, diara tânka kaikaia lâka.”

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Lawana Nani 34:14

Watawi lâka ba wina irbi taks, bara yamni ba dauks, kupia kumi lâka ba pliki nina bliki bas.

Sins Lâka 1:32

Sins tânka aitani briras nani ra, diara daukaia tânka luha ba mita ikisa, bara taniskira nani ra diara lukras ba mita sauhki tikisa.

Sins Lâka 14:15

Taniskira ba diara sut witin aisi ba ra baman kasak lukisa, tânkira watauki ba, ai mina nani taibi ba pain laki kaikisa.

Sins Lâka 14:17

Ya diara isti dadaukra ba lukras kira diara daukisa; ya kupia krauki smalki ba laman lâka ra sâp kabia.

Sins Lâka 16:17

Wapnikira nani ba lâ saura ba wina dakwi takaia sa, daukanka alki yamni alki bri ba uplika lika ai rayaka aihwaki kaiki brisa.

Sins Lâka 16:6

Kupia pinhka bara kasak tânka ba wal, watawanka ba kli wapni takan sakisa, bara Dawan ra kulkaia ba mita upla nani lâ saura wina laihura takisa.

Sins Lâka 22:3

Aman kaiki uplika ba, diara saura kaiki bâra takaskisa; sakuna dahra yamni walras nani ba, ban ai tâura auya bara pât ra dimisa.

Sins Lâka 28:14

Yamni pali sa, Dawan sibrinka brih ban luki uplika ba, sakuna ai kupia karna dauki ba uplika lika trabil ra kauhi dimbia.

Sins Lâka 29:9

Sins bri waitnika ba taniskira wal unsabisa kaka, ai kupia baikbia, lawaska kiki lâka bribia bara diara kumi sin wapni daukbia apia.

Sins Lâka 3:7

Man ba sinskira pali sma lukpara; Dawan ra kulkanka yas, bara saura ba wina mahka tawi was,

Sins Lâka 7:22

Dîa sin aisaras mahka witin ninara auya, bîp wainhka mahka ikaia ra brih auya ba baku, sula wainhka daiwan alkaika ra kauhi ba baku,

Smasmalkra 10:13

mahka aisisa ba ra, sinskas sturka man aisisa; kau aisi auya ba ra, kau sturi tanis aisisa.

Kulki Kaikanka 22:27

Bara biriku ba Dawan insalka ba kaikan bara tasba ra aitnikan, bara Balaam kupia baiwan bara dus ni biriku ba ra prukan.

Jan 9:40

Bara parisi kum kum witin wal banhwi kan ba naha walan ba ra, makabi wali banhwan: —¿Dîa yang nani na sin naikra aisawan sa ki?

1 Tesalonaika 5:22

Man nani saurka sât sât wina tnaya ra taki banhs.