Sins Lâka 14:14 - DAWAN BÎLA AISKA

¹⁴ Taniskira ba ai âuyapah sa ai daukanka ra, sakuna upla yamni lika, ai yabalka ba ai âuyapah kabia.

Sins Lâka 14:14 ပူးပေါင်းရင်းမြစ်များ

Lawana Nani 109:17

Witin lika ai bîla sawaia lihki kan, bara bîla saura ba witin ra wibia; upla ra yamni wiaia lika pain kaikras, ¡bara yamni munras kan!

Sins Lâka 12:14

Waitna ba ai bîla wina yamni aisin mâ nani ba kriki brisa, bara sin dîa dauki ba kat ai mana brin kabia.

Sins Lâka 12:21

Upla kasakkira pât kumi sin wauhbia apia, sakuna watawikira nani lika, diara saura nani ni aibanhwan kabia.

Sins Lâka 14:10

Wan kupia, ai trabilka tahplika ba witin yakan man kaikisa; baku sin upla tringsar sip witin ai liliaka tilara aimakras.

Sins Lâka 14:15

Taniskira ba diara sut witin aisi ba ra baman kasak lukisa, tânkira watauki ba, ai mina nani taibi ba pain laki kaikisa.

Sins Lâka 18:20

Upla sturi ailal aisi ba ni ai biara banhwan takbia; ai un nani wina taki sahwan ba ni, witin aibanhbia.

Sins Lâka 9:12

Man sinskira kama kaka, yamnika nani ba man pali wînam hilpka brima; bara man trabil babukra sma kaka, baha sin man yakan wînam ra baha pâtka nani ba wapni daukma.

Jirimaya 17:5

Dawan naku aisisa: “Saura pali kabia baha uplika ra ai kupia wina tnaya ai laki ba, ai lukanka ba upla nani ra kasak luki ba, witin nani wina hilp briaia pliki ba.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Jirimaya 8:5

Ban kaka, Israel, ¿man nani dîa muni ai atkram? Jerusalem, ¿dîa muni ai swih waram ban kaia ra? ¿Dîa muni maipara bûi ban sma? ¿Bara kli tawi balaia brin mai daukras ki?

Isikiel 22:31

Baku bamna, yang klalki witin nani purara bri balri, bara yang sauhki tikri kupi baiwanka ba wal, yabrika ai daukanka dukiara aisabia. Yang, Dawan, kasak aisisna.’ ”

Oseas 4:16

Israel ba mapara babura takan, bîp tiara wail baku; bara baku sma ba, ¿Dawan ba ban man nani ra sîp lupia nani ra baku twi painkira pâwi tasbaya ra, main mai kaiki kabia ki?

Sofonías 1:6

Baha nani yang wina ilihwi taki ba, yang ra sin ai plikras hilpki sin makabras nani ba sut sauhki âpu tikamni.”

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

Galesha 6:4

Upla bani ai tânka ba nahki sapa pliki kaikaia sa; bara tânka pain sa lukisa kaka, witin ai dukiara aimayunaia sip sa, sakuna upla wala dîa dauki ba dukiara lika lukaia apia sa.

Galesha 6:8

Bamna upla ai wîna brinka dukiara dîa mangkbia kaka, witin ai wîna brinka ba wina prura krikbia. Sakuna Spirit brinka ba mangkisa kaka, Spirit Holikira mita yabia raya ban kaia ba krikbia.

Hibru Nani 3:12

Muihki nani, aman kaiki bas, man nani wina kumi sin ai kupia saura brih, Gâd rayakira ba wina tnaya ra tawbiara, witin ra kasak lukras ba mita.