Sins Lâka 14:10 - DAWAN BÎLA AISKA

¹⁰ Wan kupia, ai trabilka tahplika ba witin yakan man kaikisa; baku sin upla tringsar sip witin ai liliaka tilara aimakras.

Sins Lâka 14:10 ပူးပေါင်းရင်းမြစ်များ

Blasi Sturka 42:21

Sakuna witin nani ai walka kira pana pana naku aisin: —Yawan nani wan muihni mapara saura pali daukata, kan witin yawan ra ai pura suni makabi kan witin ra baku munbia apia, sakuna yawan lika witin ra umpira kaikras kan bara ai bîla sin briras kan. Yawan kaiki kan witin sari pali aihwa kan, sakuna baha mana sika naiwa naha sarka lâka tara yawan wan purara balan na.

2 King Nani 4:27

Bara Ilaidsa il ra bâra kan ba kat wan, bara ai mina kat kiaubi alkan. Bara Guehazí ba balan ba wina tnaya ra sakaia, sakuna Ilaidsa bui win: —Swis, kan witin ba trabil pali brisa bamna, bara Dawan sin kau ai wiras sa dîa pali witin ra takan sa sapa.

Job 10:1

¿Naku baman yang ban raya kaia ki? ¡Yang danh swapri! Brukwi aisarika pan, kupi aimakbia kra, kupi tahplika wal param aisisni.

Job 21:25

Ban sakuna, upla wala nani lika tahpla lâka ra iwisa, bara ban sin pruisa, lilia lâka ba dabi sin kaikras pali.

Job 7:11

Baha mita, yang sip sâp kapras; latwan pâtka wahwisna na tila wina, brukwanki nani ba param pali aisi kaia sna.

Job 9:18

kau kupi saurka lâka ni aibanhbia kra, bara ai swika wingki sin puhbamna apia kra.

Lawana Nani 25:14

Dawan bui witin ra luki mayuni uplika nani ba, ai pânika pali kulkisa; witin ai lâka daukan ba marikisa.

Sins Lâka 15:13

Wan kupia liliaka mita wan mawan lilia sakisa; kupia lukra siknis ba, mawan ba, sari sa.

Sins Lâka 18:14

Upla siknis swapan ba ai lukanka mita tâ baikuya; ¿sakuna lukanka kriwan ba ya mita buki twilkbia ki?

Isikiel 3:14

Gâd karnika ba ai bukan bara baha wina ai sakan, bara yang sari bara kupi kriwan takan, kan bâra Dawan ai mihta karnika wal ai alki kan.

Jan 12:27

“¡Bamna nanara, yang kupi ra uya wirha ni ai taiban sa! ¿Bara yang dîa aisamna ki? Wimni: ‘Aisa, ¿naha kupi wirha taibanka wina swaki ai sâks’? ¡Sakuna naha pali dukiara sika yang balri ba!

Jan 14:18

“Yang bui man nani ba, ban lulki mai swimna apia; kli balamni man nani wal kaia dukiara.

Jan 14:23

Jisas pana win: —Ani uplika latwan ai kaiki ba, dîa aisisna ba kat wali daukisa, bara Aisiki mita latwan kaikbia, bamna yang Aisiki wal bal baha uplika ra takaskamna.

Pilipai 4:7

Bara Gâd ai kupia kumi lâka bara upla tânka briaia praiska sut pura lui ba, witin maikbia; bara naha kupia kumi lâka na, man kupiam nani lukanka nani sin main kaiki kabia, Kraist Jisas wal asla.

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,

Param Marikanka 2:17

¡Ya ai kiama bri ba, Spirit serts nani ra wi ba, witin walaia sa! Ya sip muni pura lubia ba, manâ yukukan ba wina yang mita yârika pibia; bara walpa pihni kum yabamna, bara baha walpaya ra nina raya kum ulban sa baha ba upla kumi sin kakaira apia, uplika brisa ba baman.’

1 Samuil 1:10

Bara Ana ai kupia wirha tara wal uya ini, Dawan ra ai pura sunan,

1 Samuil 1:15

Ana pana aisin: —Baku apia, dawanki, wain karna bara tahpla sin diri tânka lika apia sa, kuna yang kupi kriwan wirha pali sa, bamna tâinka ba saki Dawan ra kahbisna.