Sins Lâka 13:6 - DAWAN BÎLA AISKA

⁶ Saura lâka luha ra kasak ba mita kaina kahbisa; saurka lâka ba, saura dadaukra ra sauhki tikisa.

Sins Lâka 13:6 ပူးပေါင်းရင်းမြစ်များ

1 King Nani 1:52

Bara Salaman bila: —Witin ba waitna pain sa kaka, ai lal tâwa kumi sin tasba ra kauhbia apia, sakuna witin ra saurka sakamna kaka lika, witin ba prubia sa.

1 King Nani 13:34

Bara Jeroboam naha saurka daukan ba mita, ai kiamka nani bara witin sin tasba wina âpu daukan.

2 Kronikas 28:23

Damaskus gâdka nani ra sakripais daukan, bara baha wal witin kauhan. Witin lukan baha nani ba Siria gâdka bui tâ baikan, witin nani kingka ra sin ai tâ baikbia lukan baku daukbia kaka, sakuna baha nani bui witin ra sauhkanka bri balan, Israel aiska ra sin.

Lawana Nani 119:1

Lilia pali sa, baha nani ai yabalka ra tâski âpu impaki nani ba; bara Dawan smalkanka nani nina bliki ba.

Lawana Nani 140:11

Upla twisa yari nani ba wan tasbaya ra ban kabiara; diara saura dauki ba mita nina bliki bara sauhki tikbia.

Lawana Nani 15:2

Baha nani lukanka wapni dauki ba, kasakka tânka man aisi dauki ba sika;

Lawana Nani 25:21

Wapni sna ba lâka bara pâtkas sna ba sin, kaini sunanka bri kabia, kan yang lika man ra baman kasakka lâka brisna.

Lawana Nani 26:1

Lâika aisi dauks, Dawan, kan yang diara kasak ba dauki kapri bamna. Dawan, man ra baman lukanki aiska tniwri sa.

Sins Lâka 10:29

Dawan ba kan kahbisa yamni dauki uplika nani ra, sakuna sauhki tikisa ya saura dauki nani ra.

Sins Lâka 11:20

Kupia watawi uplika nani ba Dawan nakra ra saura pali sa, sakuna yabal aihwa ra man tauki uplika nani ra yamni lukisa.

Sins Lâka 11:3

Wapnikira nani ba ai lâka aihwa man bri mita tâ brih wabia, saura dadaukra nani ba ai saurka lâka dauki ba mita, sauhki tikan kabia.

Sins Lâka 21:12

Gâd kasakkira ba kaikisa upla watawikira watla ba; bara watawikira nani ai saurka dauki ba mita aisawaia ra mangkisa.

Sins Lâka 5:22

Upla watawi ba, witin pali ai watawanka nani mita klauna bliki alkisa; witin ra prak alkan kabia, ai saurka mita sin kiwa ni baku.