Sins Lâka 13:25 - DAWAN BÎLA AISKA

²⁵ Upla kasakkira ba plun pîsa ai kupia brinka sut daskbia ba kat, sakuna watawikira nani biara ba lika, kau plun dauki takaskisa.

Sins Lâka 13:25 ပူးပေါင်းရင်းမြစ်များ

Lawana Nani 103:5

Witin âiyapah kaia yamnika aikisa, bara sin wahma ai sakisa, yakal kum baku.

Lawana Nani 132:15

Witin plun bri ba, yang yamni pali munamni: ai uplika nani diara luha ba banhki daukamna.

Lawana Nani 34:10

Diara ailal bri nani ba, kli diara âpu takisa, bara witin nani plun wahwisa, sakuna baha nani Dawan pliki ba, diara kumi sin luha kabia apia.

Lawana Nani 37:16

Kasakkira diara wiria bri ba, kanra yamni sa, upla watawikira yuya ailal bri ba wal.

Lawana Nani 37:3

Dawan kat luki tniwi, yamni ba sin dauki bas; tasba ra iwi ai lâka ba wal sin kasak bas.

Sins Lâka 10:3

Dawan ba upla kasakkira ra sanglang wahwaia yaras, sakuna watawikira nani ra alki takaskisa, brinka nani ba daskaia.

Sins Lâka 13:18

Umpira bara saura pali kulkan kabia, baha nani smalkanka ra saura kulkbia ba, kulkanka tara bribia ya smalkanka ba walbia kaka.

Sins Lâka 24:34

umpira lâka ba balbia bara mampara bubia upla tanis kirhbi ba war dukia bri ba baku.

Sins Lâka 6:11

Umpira lâka ba balbia mampara aiklabaia, âimplikra kum ridi taki aula ba, baku man ra balbia.

Luk 15:14

Ai lalahka sut âpu tikan ningkara, plun tiwan tara pali kum baha pliska ra balan, bara witin mahka plun wahwan.

Kli Smalkanka 28:48

Dawan bui waihlam nani man ra blîkbia ba warkka baman dauki kama. Plun wahwi kira, lî diran mai dauki, kwala luha kira kama, diara ailal âpu kama. Bara Dawan mita alba lâka karna munhtara mai swibia, sauhki mai tikbia ba kat.

Kli Smalkanka 32:24

Plun wahwanka bara rihka mita prui tiwma; siknis yula tahplika bui sauhki tikbia; witin nani purara daiwan wail nani blikamna, bara piuta puisinkira sin.

2 Tesalonaika 3:10

Man nani aikuki katna ba ra, yang nani mita naku mai wisatna: Ya ya wark takaia want apia ba, plun sin pibia apia.

1 Timoti 4:8

Wan wîna tara wark taki ba pain sa, sakuna Gâd ra luki kaia ba lika diara sut mapa ra kau pain sa; kan baha diara wankaia pramis wan munisa, tasba ra raya iwi kaia ba, bara naika rayaka briaia ba sin.

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”